Qonaevta jańa kópir merziminen buryn salynyp bitti
Qonaev ákimdiginiń málimetinshe, kópirdiń kúrdeli jóndeý jumystary 26 qańtarda bastalǵan. Jumystar bir aıǵa sozylýy kerek bolǵan. Alaıda, merdiger kompanııa kúsheıtilgen rejımde jumys istep, kúrdeli jóndeýdi merziminen buryn aıaqtady.
«Joldyń biriktirilgen jerindegi aqaýy bar 6 temir aýystyryldy. Jalpy uzyndyǵy 46,8 metrdi quraıdy. Aldymen joldyń bir baǵyty jóndelip, keıin ekinshi jaǵy jóndeldi. Temirlerdiń ornyna armatýralar qoıylyp, beton, sosyn mastıka quıyldy. Sondaı-aq birikken tusta aýyr salmaqtaǵy kólikterdiń aǵymyna shydas beretin rezeńke ispettes materıal qoıyldy. «TARKER» JShS eýropalyq tehnologııa boıynsha jumys jasady. Deformatsııaǵa ushyraǵan joldy jóndeý otandyq sertıfıkattarda bekitilgen normaǵa sáıkes júrgizildi», - dep habarlady ákimdiktiń baspasóz qyzmeti.
Merdiger kompanııa 5 jylǵa kepildik berdi. Eger osy ýaqyt aralyǵynda qandaı da bir buzylýlar men aqaýlar anyqtalsa, seriktestik óz qarjysyna joldy jóndeıtin bolmaq.