Qonaevta týrnıkke tartylýdan respýblıkalyq festıval ótip jatyr

NUR-SULTAN. QazAqparat – Elimizde alǵash ret áýesqoı sportshylar arasynda týrnıkke tartylýdan jarys bastaldy. Oǵan óńirden 100-den astam adam qatysyp jatyr, dep habarlaıdy QazAqparat tilshisi.

Búgin Qonaev qalasynda bastaý alǵan sporttyq saıys qyrkúıek aıyna deıin jalǵasady. Atalǵan ýaqyt aralyǵynda Tartyl Fest elimizdiń 20 qalasynda ótpek.

Atalǵan sporttyq shara QR Prezıdenti janyndaǵy «Dara» talanttardy qoldaý qorynyń qoldaýymen ótip jatyr.

Týrnıkke tartylýdan kez kelgen azamat baq synaı alady. Sondaı-aq, qarjylaı syıaqy qarastyrylǵan.

Aıta ketsek, Street Workout - birneshe sport túriniń basyn biriktirgen áýesqoılarǵa arnalǵan báseke.

Elimizdiń 20 óńirinde ótetin «Tartyl Fest» sharasy barysynda 9 sanat boıynsha 27 jeńimpaz anyqtalady.

Jarys qorytyndysy boıynsha jeńimpazdar álemdik chempıonatqa joldama utyp alady.

Ár qaladaǵy júlde qory:

1 oryn 200 000 tg

2 oryn 100 000 tg

3 oryn 50 000 tg

Grand Fınaldyń júlde qory:

1 oryn 3 000 000 tg

2 oryn 2 000 000 tg

3 oryn 1 000 000 tg

Aıta keteıik, aqtyq saıys Nur-Sultan qalasynda 8 qyrkúıek kúni ótkiziledi.

Nazarlaryńyzǵa týrnıkke tartylýdan jarys qaı kúni, qaı qalada ótetinin usynamyz:

Taldyqorǵan 14 shilde;

Almaty 17 shilde;

Taraz 20 shilde;

Shymkent 23 shilde;

Túrkistan 25 shilde;

Qyzylorda 27 shilde;

Atyraý 31 shilde;

Aqtaý 3 tamyz;

Oral 6 tamyz;

Aqtóbe 9 tamyz;

Qostanaı 12 tamyz;

Petropavl 15 tamyz;

Kókshetaý 18 tamyz;

Jezqazǵan 21 tamyz;

Qaraǵandy 24 tamyz;

Pavlodar 27 tamyz;

Semeı 30 tamyz;

Óskemen 2 qyrkúıek;

Nur-Sultan 6-8 qyrkúıek.