Qonaevta túngi ýaqytta áskerı bólimnen qashyp ketken sarbazdar jazalandy

<p>QONAEV. KAZINFORM &ndash; Qonaev qalasynyń mamandandyrylǵan ákimshilik quqyq buzýshylyqtar jónindegi aýdanaralyq sotynda tártip buzǵan eki sarbazǵa baılanysty ákimshilik isi qaraldy.</p>

- Osy jyldyń 8 shildesinde N. jáne M. kún tártibi boıynsha bekitilgen jospardy buzbaý jaıly aǵa serjanttyń aýyzsha buıryǵyn qasaqana oryndamaı jáne sol kúni keshke shamamen saǵat 20:00-de áskerı bólimsheniń aýmaǵynan qosalqy esik arqyly eskertýsiz shyǵyp, Alataý qalasyna qashyp ketkeni anyqtaldy. Sot qaýlysymen N. jáne M. QR ÁQBtK-niń 652-baby 6-bóligi boıynsha ákimshilik quqyq buzýshylyq jasaǵany úshin kináli dep tanylyp, 7 táýlikke ákimshilik qamaýǵa alyndy, - dep habarlaıdy oblystyq sottan.

Sondaı-aq áskerı bólimde osyndaı quqyq buzýshylyqtardyń aldyn alý jáne olarda quqyqtyq mádenıetti qalyptastyrý maqsatynda sot aktisin jarııa etýine N. jáne M.-niń qyzmettesteri shaqyrylǵany habarlandy.

Eske salaıyq, Almaty oblysynda 19 bala tárbıelengen zańsyz medrese anyqtalǵan bolatyn.