Qonaevta tazalyqqa baılanysty 1 mln teńgeden astam aıyppul salyndy

<p>QONAEV. KAZINFORM - Qonaevta stıhııalyq qoqys oryndary kóbeıgen. Bul týraly Qonaev qalasynyń ákimi Ashat Berdihanov óziniń <a href="https://www.instagram.com/p/C_zue7tocdw/?igsh=NnIzMnd0NGtodDcy" target="_blank" rel="noopener">áleýmettik jelidegi </a>paraqshasynda jazdy.&nbsp;</p>

Foto: Qonaev ákimdigi

«Jol jıekterinde stıhııalyq qoqys oryndary kóbeıgenin ańǵardym. Jer ıelerine aıyppul salynady. Buǵan deıin kommýnaldyq qyzmet kórsetýshi kompanııalar qoqysty shyǵarǵanymen, keı turǵyndar qaıtadan turmystyq qatty qaldyqtardy belgilenbegen oryndarǵa ákelip jatyr. Memleket basshysy «Taza Qazaqstan» baǵdarlamasyn osyndaı jaǵdaıattar kóbeıgen soń iske qosty. Tazalyq mádenıetin qalyptastyrýdy ár turǵyn ózinen bastaýy tıis», - dep jazdy ákim.

Sondaı-aq Ashat Berdihanov 9 kúnniń ishinde tazalyqqa baılanysty jalpy somasy 1 mln teńgeden astam aıyppul salynǵanyn málimdedi.

Foto: Qonaev ákimdigi

«1-9 qyrkúıek aralyǵynda QR ÁQBtK-niń 505-babyna (qalalar men eldimekenderdiń aýmaqtaryn abattandyrý qaǵıdalaryn buzý) sáıkes, 73 jeke jáne zańdy tulǵaǵa 812 myń teńgeden astam aıyppul salyndy. Osy zańnyń 434-2-baby boıynsha (ortaq paıdalaný oryndaryn lastaý) 15 tulǵaǵa 276 900 tg kóleminde aıyppul salyndy. Bul baǵyttaǵy jumystar ary qaraı da jalǵasady», - delingen jazbada.

Eske salaıyq, buǵan deıin Almaty kóshelerinen kún saıyn 150 tonnadan astam qoqys shyǵarylatynyn jazǵan edik.