Qonaevta pyshaq jaraqatyn alǵan adamnyń jaǵdaıy qalaı

<p>QONAEV. KAZINFORM &ndash; Qonaev qalasynda pyshaq jaraqatyn alǵan er adamnyń qazirgi jaǵdaıy belgili boldy.</p>

Qonaev qalalyq kópsalaly aýrýhanasynyń baspasóz qyzmeti avtobýs jolaýshysy 28 shilde kúni moıyn tusynan pyshaq jaraqatyn alǵanyn habarlady. 

«Naýqas jedel járdem brıgadasymen Qonaev qalalyq kópsalaly aýrýhanasyna jetkizildi. Aýrýhananyń qabyldaý bóliminde alǵashqy medıtsınalyq kómek kórsetildi, ıaǵnı moıynnyń kesilgen jarasyna alǵashqy hırýrgııalyq zarasyzdandyrý júrgizildi. Moıyn tamyrlarynyń kompıýterlik tomografııasy men keýde qýysynyń rentgenografııasy jasaldy»,- dep habarlady emdeý mekemesinen.

Dárigerlerdiń aıtýynsha, tekserý kezinde naýqastyń kúre tamyrynyń zaqymdanbaǵany belgili boldy.

Naýqastyń ómirine qaýip tónip turǵan joq. Osyǵan baılanysty mamandar ony ambýlatorlyq emdeýge jiberdi. 

Buǵan deıin er adamnyń qoǵamdyq kólikte pyshaq jaraqatyn alǵany týraly jazǵan edik.