Qonaevta ońtústik aınalma kópir joly kúrdeli jóndeýden ótedi

<p>ALMATY. KAZINFORM- Almaty oblysy Qonaev qalasyndaǵy ońtústik aınalma jol kúrdeli jóndeýden ótedi.</p>

Shahar basshysynyń sózinshe, qajetti tekserýlerden keıin kópir jolynda júk tasymaldaý men qaýipsizdikke yqpal etetin aqaýlar anyqtalǵan.

«Biz úshin eń mańyzdysy – adamdardyń qaýipsizdigi. Qazir joldy bir-birimen jalǵastyryp turǵan jerde oıyqtar paıda bolǵan. Bul – jol apatyna ákelýi múmkin. Kópirdi tolyǵymen jappaımyz. Eger jaýyp tastasaq, kólik júrgizýshilerine ary-beri qatynaý qıynǵa soǵady. Kópir salýdyń barlyq tehnologııasyn saqtaı otyryp, joldy az ýaqyt ishinde kúrdeli jóndeýden ótkizý qajet», - dedi Nurlan Qumataev.

Ákimdik taratqan málimetke sáıkes, kópir ótken ǵasyrdyń 1980 jyldary salynǵan. Merdigerler joldy eýropalyq tásilmen jańartpaqshy.

Jol jóndeý jumystary 26 qańtarda bastaldy. Qurylys jumystary 1 aıǵa sozylady. Mamandar joldyń bir baǵyty 29 qańtar kúni ashylatynyn jetkizdi.