Qonaevta er adam avtobýsta jolaýshyǵa pyshaq suǵyp aldy

<p>QONAEV. KAZINFORM &ndash; Konaevta qoǵamdyq kólikterdiń birinde otyrǵan jolaýshylar arasynda janjal týyp, saldarynan bireýi ekinshisine pyshaq jaraqatyn saldy.</p>

Onyń vıdeosy áleýmettik jelide tarady. Kadrlardan joldyń boıynda turǵan № 7 avtobýstyń mańynda zeńbilde jatqan adamdy kórýge bolady.

Almaty oblystyq polıtsııa basqarmasynyń málimetinshe, shabýyl jasaǵan adam ustaldy.

«Jedel-izdestirý sharasy barysynda Qonaev polıtsııa basqarmasynyń qyzmetkerleri oblys ortalyǵynyń 36 jastaǵy turǵynyn ustady. Kúdikti qoǵamdyq kólikte 41 jastaǵy er adamǵa pyshaq suǵyp alǵan. Adam óltirýge oqtalý deregi boıynsha qylmystyq is tirkeldi», - dep habarlady Almaty oblysy Polıtsııa departamentiniń baspasóz qyzmeti.

Qazir tergeýdiń tolyqtyǵy men obektıvtiligin qamtamasyz etý úshin barlyq qajetti tergeý áreketteri júrgizilip jatyr. Kúdikti ýaqytsha ustaý ızolıatoryna qamaldy.