Qonaevta birneshe kún gaz bolmaıdy
22:37, 16 Tamyz 2024
<p>QONAEV. KAZINFORM – Qonaevta 20-23 tamyz aralyǵynda gaz berý toqtatylady. Bul týraly «Qapshaǵaı aýmaǵynyń gaz jelileri» JShS málimdedi.</p>
Mekemeniń aqparatyna sáıkes, gaz berý Abaı kóshesiniń jolyn jóndeýmen qatar, úlken qysymdy gaz jelisin jańǵyrtýǵa baılanysty ýaqytsha toqtatylady. Gaz qubyrynyń jańa jelisin qoldanystaǵy jelini ajyratpaı qosýǵa múmkindik joq.
– Úsh kún boıy №1,2,3,4,5, Vostochnyı, Gúlder, Spýtnık, Arna, Raýan, № 18,19,20 shaǵyn aýdandarynda jáne Jeleznodorojnaıa kóshesinde kógildir otyn berý toqtatylady nemese keı aýdandarda gaz qysymy tómendeýi múmkin. Kógildir otyndy kóp ýaqyt joǵaltpaı qosýǵa tyrysamyz. Ýaqytsha yńǵaısyzdyqtarǵa túsinistikpen qaraýlaryńyzdy suraımyz, - dep habarlady mekemeden.