Qonaev qalasynda saılaý kúnine oraı retrokólikterdiń avtosherýi ótti

QONAEV. QazAqparat- Qonaev qalasynda retrokólikter salonynyń basshysy Murat Sirgebaev saılaý kúnine oraı avtosherý uıymdastyrdy, dep habarlaıdy QazAqparat tilshisi.

«Búgingi sharaǵa 10-ǵa jýyq avtokólik qatysyp jatyr. Biz barlyq saılaý ýchaskelerin aralap júrmiz. Jalpy biz eshqandaı sharadan tys qalmaımyz. Sonymen qatar búgin azamattyq boryshymyzdy ótep, daýys berdik», - dedi Murat Sirgebaev.

Sonymen qatar ol Naýryz merekesine oraı taǵy da avtosherý uıymdastyratynyn jetkizdi.

«Naýryz meıramynda ótken ǵasyrdyń qyrqynshy jyldarynan alpysynshy jyldaryna deıingi aralyqtaǵy kólikter sherýi bolady. Búgin men osy temir tulparlardyń biri – mototsıklmen keldim. Kóne avtomobılder adamdardyń úlken qyzyǵýshylyǵyn týdyrady. Fotosessııa uıymdastyryp, júrgizip kórýine de ruqsat etemiz», - dep qosty Murat Sirgebaev.

Aıta keteıik, Qonaev qalasy boıynsha 34 saılaý ýchaskesi jumys isteıdi. Onyń beseýi jabyq saılaý ýchaskesi.