Qonaev qalasyn damytýǵa respýblıka bıýdjetinen 1,4 trln teńge bólinedi

Qonaev qalasyn damytý úshin 5 jylda 4 trln teńgeden astam qarajat tartý kózdelip otyr. Onyń 1,4 trıllıony respýblıkalyq bıýdjetten bólinedi, dep habarlaıdy QazAqparat tilshisi.

Bul jaıynda Qonaev qalasyn áleýmettik-ekonomıkalyq damytýdyń 2023 - 2027 jyldarǵa arnalǵan keshendi josparynda aıtylǵan.

Jobadaǵy 4 trln 64 mlrd 631 mln teńgeniń 1 trln 401 mlrd 228 mln teńgesin respýblıkalyq bıýdjetten, 305 mlrd 259 mln teńgesin qaryzǵa, 213 mlrd 338 mln teńgesin memleketik bıýdjetten, 62 mlrd 440 mln teńgesin ishki qaryzdan, 2 trln 82 mlrd 366 mln teńgesin basqa kózderden tartý jsoparlanǵan.

Bul qarajatqa myna máselelerdi sheshý josparlanǵan:

- iri saýda ortalyqtary men turmystyq qyzmet kórsetý obektilerin ashý;

- oqýshylar oryndarynyń tapshylyǵy;

- zamanaýı medıtsınalyq mekemelerdiń bolmaýy, dáriger tapshylyǵy, medıtsınalyq uıymdardyń jaraqtandyrý;

- mektepter, balabaqshalar, aýrýhanalar, emhanalar, mádenı-demalys uıymdary men sport ǵımarattaryn salý;

- kóshelerge kúrdeli, ortasha jáne aǵymdaǵy jóndeý júrgizý;

- ınjenerlik-kommýnıkatsııalyq ınfraqurylymdy jańa turǵyn alaptary men shaǵyn aýdandaryna, Sheńgeldi jáne Arna aýyldaryndaǵy jańa alańdarǵa jetkizý;

- úılerdiń, ǵımarattardyń qasbetterin aǵymdyq jóndeý, kóshelerdi, aýlalardy, skverlerdi, jaǵajaıdy kútip ustaý jáne abattandyrý;

- oıyn-saýyq jáne demalys saıabaqtaryn/skverlerdi, býlvarlardy jáne t.b. salý, jóndeý júrgizý;

- gazben jylytýǵa kóshý úshin qazandyqty keńeıtý (halyqtyń 75,2%-y jylýǵa zárý);

- Zarechnyı, Arna, Sheńgeldi, Qosqudyq jáne Aqózek aýyldarynda elektr jelilerin jóndeý jáne jańalaý;

- sý qubyrlarynyń tozýy – 80%, káriz jelileriniń tozýy – 100%, jylý jelileriniń tozýy – 40%, gaz qubyrlarynyń tozýy – 55%;

- jergilikti mańyzy bar avtomobıl joldarynyń 25,5 shaqyrymy qanaǵattanarlyqsyz jaǵdaıda.