Qonaev qalasyndaǵy eski garajdar buzylyp, ornyna basqa nysandar salynady

<p>QONAEV. KAZINFORM &ndash; Qonaev qalasynyń Bas josparyna sáıkes, qaladaǵy 7 garaj kooperatıvi (GK) buzylyp, ornyna basqa maqsattaǵy nysandar boı kóteredi. Bul týraly Qonaev ákimdiginiń baspasóz qyzmeti habarlady.&nbsp;</p>

Ákimdik málimetine sáıkes, súrilgen garajdardyń ornyna ákimshilik jáne qyzmet kórsetý nysandaryn, turǵyn úı keshenderin salyp, aýamaqty abattandyrý kózdelip otyr.

– Atalǵan máselege baılanysty turǵyndar ákimdikten garajdardy jeke menshikke ótkizýdi suraýda. Sáýlet jáne qala qurylysy bólimi bul – múmkin emes ekenin aıtady. Sebebi Biryńǵaı memlekettik Jyljymaıtyn múlik kadastrynyń derekterine sáıkes, mundaǵy jer ýchaskeleri qysqa merzimge ýaqytsha paıdalanýǵa berilgen. QR Azamattyq kodeksiniń 209-baby 4-tarmaǵy boıynsha ortaq menshik eki nemese birneshe adamnyń menshigine múlik túsken kezde paıda bolady, ony óziniń maqsaty ózgertilmeıinshe bólýge bolmaıdy, - dep habarlady ákimdikten.

Sondaı-aq Qonaev qalasynyń basshylyǵy bul nysandar memleket qajettiligi úshin alynǵanda nemese ınvestorlarǵa berilgende úleskerlerge ótemaqy tólenetinin habarlady.

– Halyq Bas jospardyń ne úshin qabyldanǵanyn túsinýi qajet. Bizdiń jospardyń oryndalý merzimi 2050 jylǵa deıin josparlanǵan. Onyń ishinde ekonomıkany damytý, halyqty jumyspen qamtý, avtojoldardy keńeıtý jáne salý, ınjenerlik jelilerdi tartý, abattandyrý, áleýmettik, mádenı, ákimshilik nysandardy salý, turǵyn úılerdi turǵyzý sekildi mańyzdy salalar qamtylǵan. Erte me, kesh pe, garajdar buzylyp, ornyna bas qujatqa sáıkes ǵımarattar salynady. Sondyqtan turǵyndardy zań aıasynda jumys isteýge shaqyramyz, - dedi sáýlet jáne qala qurylysy bóliminiń basshysy Rýslan Botambaev.

Aıta ketken jón, bul máselege baılanysty Qonaev qalasy, №2 sh/a, 44-úı mekenjaıynda ornalasqan sáýlet jáne qala qurylysy bólimine jolyǵýǵa bolady.

Eske salaıyq, Almaty oblysynda bıyl 800-den astam turǵyn ınternet-alaıaqtarǵa aldanǵan.