Qonaev qalasynda eńbek adamdaryna arnalǵan mýraldar paıda boldy

<p>QONAEV. KAZINFORM - Qonaev qalasynda &laquo;Eńbek adamdaryna&raquo; arnalǵan 3 mýral salynyp jatyr. Jumysshy mamandyqtardyń qurmetine salynyp jatqan mýraldar 1 aptanyń ishinde tolyq aıaqtalady.</p>

Jalpy Almaty oblysynyń ortalyǵy Qonaev qalasynda Dinmuhamed Qonaev, Abaı Qunanbaıuly, Ál-Farabı sekildi tarıhı tulǵalardyń jáne qutqarýshylarǵa, birlikke arnalǵan mýraldar bar. Olardyń qataryna endi dárigerlerge, polıtseılerge jáne tazalyq qyzmetkerlerine arnalǵan mýraldar qosylmaq. Bul jumys qaladaǵy jóndeýdi qajet etetin turǵyn úı qasbetterin jóndeý jumystary aıasynda júrgizilip jatyr.

Foto: Kazinform

Jalpy Qonaevta 295 kópqabatty turǵyn úıdiń 40-y shatyryn, 165-i qasbetin jóndeýdi qajet etedi. Bıyl jyldyń aıaǵyna deıin 13 úıdiń shatyryn jóndep, 15 úıdiń qasbetin syrlaý josparlanǵan.

Eske salaıyq, buǵan deıin Semeıde polıtsııa qyzmetkerlerine arnalǵan mýral paıda bolǵanyn jazǵanbyz. 

Tamyz aıynda Astanada shekarashylarǵa arnalǵan mýral ashyldy. 

Foto: Kazinform