Qonaev sotynyń tóraǵasy sottaldy

<p>ASTANA. KAZINFORM - Qonaev qalalyq sotynyń tóraǵasy sottaldy. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov aıtty.</p>

«Almaty oblysy Qarasaı aýdandyq sotynyń úkimimen Qonaev qalalyq sotynyń tóraǵasy J.Q.Janbolatov 4 jyl 6 aıǵa bas bostandyǵynan aıyryldy. Ol sottalýshyǵa jazasyn jeńildetý syltaýymen, asa aýyr qylmysty jeńildetý boıynsha 9 mln teńge mólsherinde zańsyz syıaqy alý arqyly alaıaqtyq jasaǵany úshin kináli dep tanyldy», — dedi resmı ókil. 

Onyń atap ótýinshe, qosymsha jazalaý sharasy retinde Janbolatov ómir boıy memlekettik qyzmette qyzmet atqarý quqyǵynan aıyryldy. Sot úkimi zańdy kúshine engen joq.

Eske salsaq, Qyzylorda oblysynda qarjylyq pıramıda qurǵan azamatsha 5 jylǵa sottaldy.