Qonaev ákimdiginde jańa bólim quryldy

<p>QONAEV. KAZINFORM &ndash; Qonaev ákimdiginde qurylymdyq ózgerister boldy. Jańa jolaýshylar kóligi jáne avtomobıl joldary bólimi quryldy. Ony ýaqytsha Baǵdat Álıev basqarady.</p>

«Qonaev qalasy ákimdiginiń Turǵyn úı-kommýnaldyq sharýashylyq, avtomobıl joldary jáne jolaýshylar kóligi, turǵyn úı ınspektsııasy bóliminen jolaýshylar kóligi jáne avtomobıl joldary bólimi bólinip shyqty. Shahar basshysynyń ókimimen atalǵan bólimniń basshysy mindetin atqarýshy bolyp Álıev Baǵdat Islambekuly taǵaıyndaldy», - dep habarlady aımaq ákimdiginen.

Baǵdat Álıev 1988 jyly Qyzylorda qalasynda dúnıege kelgen. Bilimi – joǵary, 2012 jyly Qorqyt Ata atyndaǵy Qyzylorda memlekettik ýnıversıtetin munaı gaz isi mamandyǵy boıynsha, 2014 jyly «Aqmeshit» Qyzylorda Gýmanıtarlyq-tehnıkalyq ınstıtýtyn ekonomıka mamandyǵy boıynsha támamdaǵan.

Eńbek jolyn «M Konsaltıng Servıs» JShS-niń ótkizý bóliminiń bastyǵy bolyp bastaǵan. Ár jyldary «Turǵyn úı-kommýnaldyq sharýashylyqty damytýdyń qazaqstandyq ǵylymı-tehnıkalyq ortalyǵy» JShS-niń energııany únemdeý zerthanasynyń ǵylymı qyzmetkeri, Qyzylorda oblysynyń kásipkerler palatasynyń halyqaralyq jáne óńiraralyq yntamaqtastyq bóliminiń ІІ dárejeli eksperti, Qyzylorda oblysynyń kásipkerler palatasynyń jobalardy súıemeldeý jáne halyqaralyq yntymaqtastyq bóliminiń eksperti, «IANS-GROUP» JShS-niń tehnıkalyq óndiris bóliminiń bastyǵy, Qyzylorda oblysynyń energetıka jáne turǵyn úı kommýnaldyq sharýashylyq basqarmasynyń gaz ınfraqurylymyn damytý bóliminiń basshysy jáne t.b. laýazymdarda qyzmet atqarǵan. 

Buǵan deıin Qyzylorda oblysynyń ındýstrııalyq-ınnovatsııalyq damý basqarmasy saýdany damytý bóliminiń basshysy boldy.