Qonaev ákimdigi 1 mln teńgege jýyq qarjyǵa eki kreslo satyp alǵan

<p>QONAEV. KAZINFORM &ndash; Qonaev qalasynyń ákimdigi 1 mln teńgege jýyq qarajatqa eki kreslo satyp alǵan. Bul aqparat <a href="https://t.me/egovpress/6052" target="_blank" rel="noopener">áleýmettik jelide</a> tarady.&nbsp; &nbsp;</p>

Jelide taraǵan málimet boıynsha Qonaev qalasynyń ákimdigi 2023 jyldyń 11 jeltoqsan kúni qupııa túrde 1 mln teńgege jýyq qarjyǵa eki kreslo satyp alǵan.

Sondaı-aq, belgisiz sebeptermen ákimdik qyzmetkerleri qymbat kreslolardy jergilikti BAQ ókilderine kórsetpegen. 

Osyǵan baılanysty Kazinform tilshisi Qonaev qalasy ákimdigine saýal joldady.

Ákimdiktiń baspasóz qyzmeti atalǵan másele boıynsha Qonaev qalasy ákiminiń apparat basshysyna qatysty qyzmettik tekseris bastalǵanyn jetkizdi. 

«Kreslolar qaı mekemege berilgeni anyqtalyp jatyr. Jıhaz qala ákiminiń kelisiminsiz alynǵan», - dep habarlady Qonaev qalasy ákimdiginiń baspasóz qyzmeti.