Konkıden Japonııa quramasynyń 10 múshesinen koronavırýs anyqtaldy
23:59, 09 Qarasha 2021
TOKIO. Kyodo-QazAqparat - Germanııanyń Intsell qalasyndaǵy oqý-jattyǵý jıynyna qatysýǵa kelgen Japonııa ulttyq quramasynyń tórt sportshysy men alty qyzmetkeriniń koronavırýs juqtyrǵany anyqtaldy. Bul týraly QazAqparat Kyodo agenttigine silteme jasap habarlaıdy.
Eldiń mánerlep syrǵanaý boıynsha ulttyq basqarý organy indet juqtyrǵandar Germanııanyń densaýlyq saqtaý organy nusqaýlaryna sáıkes jeti kún karantınge alynǵanyn aıtty.
Halyqaralyq oqý-jattyǵý týryna barlyǵy 22 mánerlep syrǵanaýshy men 13 qyzmetker qatysty, onyń ishinde 2018 jylǵy Qysqy Olımpıada oıyndarynyń jeńimpazdary Nao Kodaıra men Mıho Takagı de bar.
Komanda 12-14 qarashada Polshanyń Tomashov Mazovetskı qalasynda ótetin bıylǵy maýsymdaǵy birinshi álem chempıonatynyń aldynda Germanııaǵa jattyǵý úshin kelgen bolatyn.
Polshaǵa kirý úshin qajetti COVID-19 synaǵyn tapsyrý sharalary beısenbi, juma jáne jeksenbi kúnderi ulttyq qurama múshelerimen júrgizildi.