komtolem.kz: Elordada 15 myń teńgelik kommýnaldyq ótemaqyny alýǵa arnalǵan saıt iske qosyldy
Saıtta kommýnaldyq qyzmetter tólemin óteýge ótinish berýge bolady. Turǵynnyń tizimde bar-joǵyn saıtta JSN-dy terip tekserýge bolady.
«Eger siz kommýnaldyq qyzmetter úshin ótemaqy tólemi berilgen sanatqa jatsańyz, biraq sizdiń JSN derekter bazasynda bolmaǵan jaǵdaıda +7 (7172) 28-09-59 nómeri boıynsha habarlasýdy suraımyz», delingen habarlamada.
Eske sala ketsek, keshe qala ákimdigi kommýnaldyq ótemaqyny alýǵa ótinim qabyldaý úshin eki alańdy usyndy. Biri - komtolem.kz saıty, ekinshisi - Komtolem Telegram boty.
«Kommýnaldyq qyzmet úshin tólem «Astana ERTs» JShS shotyna aqshany aýdarý jolymen júrgiziledi. Jaqynda ǵana Indýstrııa jáne ınfraqurylymdyq damý mınıstrligi erejelerge ózgeris engizgen edi. Endigi kezekte áleýmettik álsiz toptaǵy otbasynyń múshesi ótinimdi bere alady», - dedi Nur-Sultan qalasy ákiminiń orynbasary Baqtııar Máken.
Aıta keterligi, astanada áleýmettik álsiz topqa jatatyn 164 myń adam bar.