Kómirqyshqyl gazben ýlanýdyń qalaı aldyn alýǵa bolady

<p>Qys aılarynda azamattar turǵyn úı sektorynda peshti paıdalanýǵa mán beredi. Keıbir sátte olardyń tarapynan kómirqyshqyl jáne tabıǵı gazben ýlaný jaǵdaıy kezdesedi. Odan saqtaný jaǵdaıy qandaı? Osy oraıda <a href="Kazinform" target="_blank" rel="noopener">Kazinform</a> Qyzylorda oblysy TJD Órt sóndirý jáne avarııalyq-qutqarý jumystary qyzmetiniń MM bastyǵy Ábdilda Sársenbaıuly Baıakeevty áńgimege tartqan edi.</p>

Jyl boıy azamattyq qorǵanys qyzmetkerleri turǵyn úı sektorynda profılaktıkalyq is-sharalaryn júrgizedi. Órt qaýipsizdik erejesin saqtaý jóninde halyqqa túsindirý - árbir qutqarýshynyń negizgi mindeti.

«Turǵyndar tarapynan qaýipsizdik erejesin saqtamaý qaıǵyly ólimge alyp keletinin esten shyǵarmaıyq. Kómirqyshqyl jáne tabıǵı gazben ýlaný adam densaýlyǵyna zııan keltiredi. Kómirqyshqyl gazymen ýlanýdyń aldyn qalaı alýǵa bolady? Negizgi qaýipsizdik erejesi retinde turǵyndar tek jaramdy jabdyqty paıdalanýǵa nazar aýdarǵany durys. Peshtegi jaryqtar, bitelgen tútin murjasy jáne usaq kemshilikter aýyr zardaptarǵa ákelýi múmkin», - dedi Ábdilda Baıakeev.

Onyń aıtýynsha, bólmeni jaqsy jeldetýdi qamtamasyz etý kerek. Jeldetý jetkiliksiz bolǵandyqtan, tipti qaýipsiz qurylǵylar da keıde qaıǵyly jaǵdaılardy týdyrýy múmkin.

«Kómir qyshqyl gaz - ıisi joq tilsiz jaý. Kez-kelgen avtokólik ıesi barlyq qaýipsizdik sharasyna baısaldy bolý mindetti. Avtokóliktiń minsiz kúıde bolsa da, jumys istemeıtin qozǵaltqyshy bar avtokólikte uıyqtaýǵa jáne demalýǵa qatań tyıym salynady. Qozǵaltqyshty jabyq úı-jaıda, garajda qoldanýǵa negiz joq. Kómirqyshqyl gaz garajda, avtokólik salonda jınalady. Qaýipsizdik erejelerin saqtaý sizdiń ómirińizdi jáne jaqyn adamdaryńyzdy saqtaıdy», - dep tolyqtyrdy ol.

Eske salsaq, budan buryn balyq aýlaýda qandaı qaýipsizdik sharalaryn eskerý kerektigi aıtyldy.