Kompozıtor Rahat-Bı Ábdisaǵın tuńǵysh ret Ulybrıtanııanyń tórt qalasynda kontsert beredi

<p>ASTANA. KAZINFORM &ndash; Kompozıtor Rahat-Bı Ábdisaǵınniń &laquo;The bruce&raquo; operasynyń álemdik premerasy Ulybrıtanııada ótedi. Bul týraly QR Ǵylym jáne joǵary bilim mınıstrliginiń baspasóz qyzmeti málim etti.&nbsp;&nbsp;</p>

Tuńǵysh ret qazaqstandyq kompozıtordyń operasy Ulybrıtanııanyń tórt qalasynda oryndalady.

«2024 jyldyń 17 aqpanynda Glazgo soborynda «Bolashaq» baǵdarlamasynyń doktoranty, kompozıtor-pıanıst Rahat-Bı Ábdisagınniń «Brıýs» operasynyń álemdik premerasy ótedi. Operada Shotlandııa koroli Robert I Brıýs týraly baıandalady. Opera ótken men bolashaq arasyndaǵy mýzykalyq kópir jáne shotlandııalyq uly monarhtardyń biri, táýelsizdik úshin kúresker tulǵasyn sıpattap turǵandaı» — delingen habarlamada. 

Lıbretto Djon Barbýrdyń 1375 jyly jazylǵan ortaǵasyrlyq «Brıýs» poemasyna negizdelgen jáne Rahat-Bıdiń Shotlandııa Koroldik konservatorııasy men Sent-Endrıýs ýnıversıtetindegi doktorlyq zertteýleriniń negizgi bóligin quraıdy.

Shyǵarma soborlyq opera, sobordyń akýstıkalyq zalynda oryndaýǵa arnalǵan jańa janr.