Kompıýter aldyndaǵy ýaqyt sabaq úlgerimine áser etpeıdi – zertteý
Ispanııadaǵy Haıme І ýnıversıtetiniń ǵalymdary 23 memlekette ótkizilgen 58 zertteýdi qarastyryp, osyndaı sheshimge keldi, dep jazady JAMA Pediatrics basylymy.
Avtordyń aıtýynsha, Mıreıı Adelantado Renaý bastaǵan zertteýshiler toby tórt jastan on segiz jasqa deıini 480 myń balanyń teledıdar men kompıýter aldyndaǵy ýaqytynyń sabaq úlgerimi men baǵasyna áserin zerttegen. Ǵalymdar gadjet aldyndaǵy ýaqyt sabaq úlgerimine áser etpeıdi degen qorytyndyǵa keldi.
«Bul zertteý XXI ǵasyrdaǵy ómirdiń elý jyl burynǵy ómirden erekshelenetinin kórsetedi. Qazirgi tańda keıbir mindetterdi ekran aldynda atqarýǵa bolady. Ata-analar balanyń kompıýter aldyndaǵy ýaqyty zııan emes ekenin, biraq bala ekran aldynda ne istep otyrǵanyn bilý mańyzdy ekenin eskerýleri kerek», dep jazady avtorlar.
Olardyń aıtýynsha, vıdeooıyndar akdemııalyq úlgerimge keri áser etedi, al paıdasyz telebaǵdarlamalardy jıi kórý lıngvıstıkalyq jáne matematıkalyq qabiletterdi tómendetedi.
«Bala óz ózin baqylaı almaıdy», deıdi ǵalymdar.