Kompıýter adamnan aqyldy bola ala ma? - Vox

ASTANA. QazAqparat - Búgingi tańda kópshiligi jasandy ıntellektiniń jyldam damýyna alańdap, onyń qaýipti ekenin jıi aıtyp júr. Stıven Hokıng bir sózinde «Jasandy ıntellektiniń damýy aqyrzamanǵa ákeledi» dese, Ilon Mask jasandy ıntellektini adamzatqa tónip turǵan eń úlken qaýip dep ataǵan. Tipti, Oksford, Kalıfornııa ýnıversıtetteriniń ǵalymdary da jasandy ıntellektini durys paıdalanbaý Jer jaryndaǵy ómirdiń aqyryna alyp keletinin alǵa tartýda. Degenmen, bul problema kompıýter paıda bolǵannan beri aıtylyp kele jatqany belgili.

Vox basylymynda jarııalanǵan kólemdi maqalada avtor osy másele tóńireginde saraptama jasaǵan. Avtordyń aıtýynsha, keı mamandar adamzatty qorqytatyn jasandy ıntellekt týraly aıtý áli erte ekenine senimdi.

«Kompıýterdi adamnan da aqyldy etý qolymyzdan kele me? Negizinen, qazirgi zamandaǵy jasandy ıntellekt tehnologııalary sonshalyqty aqyldy emes. Adamnyń aqylyn basyp oza almaıdy. Jasandy ıntellekt týraly mynandaı qanatty sóz bar: «Ońaıdyń barlyǵy qıyn, al qıyn nárse - ońaı». Kompıýterge qıyn esep shyǵarý óte ońaı bolǵanmen, ol sýretke qarap, onda ıt nemese mysyq beınelengenin ajyrata almaıdy. ıAǵnı, adamdar isteı alatyn áreketterdiń kópshiligi áli jasandy ıntellekt tehnologııalarynyń qolynan kelmeıdi», dep jazady avtor.

Onyń aıtýynsha, kompıýterdi kitap oqýǵa, onyń mazmunyn túsinip, saraptaýǵa úıretý joly áli tabylǵan joq. ıAǵnı, kompıýterdi adam sııaqty aqyldy qylatyn ýaqyt áli alys.