Kommýnıst T.Syzdyqov prezıdenttikke úmitker bolýǵa laıyqty ekenin «Bizdiń kúshimiz birlikte» taqyryby arqyly dáleldemek
Ol alǵashqy kezeńde «Bizdiń birligimiz birlikte» taqyrybynda eki bettik shyǵarma jazýda.
«Lıngvıstkalyq komıssııaǵa qazaq tilinnen synaq tapsyrýǵa Turǵyn Ysqaquly Syzdyqov myrza kelip otyr. Bul kisi 1947 jyly dúnıege kelgen. Bilimi - joǵary. Ǵalym-agronom. Turǵylyqty jeri - Kókshetaý qalasy. Osy ýaqytqa deıin bizge ózin-ózi usynǵan azamattar kelgen bolatyn. Búgin birinshi ret Qazaqstannyń kommýnıstik halyq partııasy qoǵamdyq birlestigi bul kisini prezıdenttikke úmitkerlikke usynyp otyr. Bank qyzmetkeri eken», - dedi úmitkerdi tanystyrǵan QR Prezıdenttigine kandıdattardy memlekettik tildi erkin meńgergendigin anyqtaý jónindegi lıngvıstıkalyq komıssııanyń tóraǵasy Myrzataı Joldasbekov.
Sonymen qatar komıssııa tóraǵasy T.Syzdyqovqa memlekettik tildi erkin meńgergendigi úshin úsh kezeńnen turatyn synaq tapsyratyndyǵyn atap ótip, onyń sharttarymen jan-jaqty tanystyrdy.
Aıta keteıik, T.Syzdyqov 1947 jyly Kókshetaý oblysynda dúnıege kelgen. 1974 jyly Máskeýdegi Búkilodaqtyq jastar odaǵy janyndaǵy joǵary partııa mektebin bitirgen. 1984 jyly Tselınograd aýyl sharýashylyǵy ınstıtýtyn támamdaǵan. Ol Aqmoladaǵy Tselıngıdromash mekemesinde jumys istegen. Áskerı boryshyn ótep elge oralǵannan keıin kásiptik-tehnıkalyq ýchılışeniń komsomol komıtetin basqarǵan. Joǵary partııa mektebin bitirgennen soń Komsomol aýdandyq partııa komıtetiniń hatshysy, odan keıin birqatar keńshardyń partııa komıtetiniń hatshysy bolyp istedi. Chıstopol aýdandyq partııa komıtetiniń ekinshi hatshysy qyzmetin atqarǵan.