Kommýnaldyq jelilerdi tsıfrlandyrýdy kózdeıtin zań jobasy daıyndalýda
«Memleket basshysynyń Joldaýynda halyq pen bızneske jer ýchaskeleri men ınjenerlik shemalar týraly ashyq aqparat berý qajettigi týraly aıtylǵan bolatyn. Sol úshin búkil el aýmaǵy boıynsha biryńǵaı Qala qurylysy kadastry men saraptamasy engizilip jatyr. Jer ýchaskeleri men ınfraqurylym jelileriniń ınteraktıvti kartasy daıyndalýda. Ol turǵyndar men kásiporyndarǵa ınjenerlik jáne kommýnaldyq nysandarǵa jedel qosylýǵa múmkindik beredi»,- dedi Úkimet basshysy.
Onyń aıtýynsha, qala qurylysy saraptamasy qalaly jerdegi beıbereket jáne sapasyz qurylystardy toqtatýǵa, qala turmysyna qolaıly jaǵdaı jasaýǵa baǵyttalǵan.
«Bul sharalar qurylysty jobalaý kezinde qarajatty barynsha únemdeýge jáne qurylys talaptaryn qatań saqtaýǵa múmkindik beredi. Interaktıvti kartalarda bos jatqan jer ýchaskeleri men ınfraqurylym týraly sońǵy málimetter bolady. Qazirgi ýaqytta Parlamentte qala qurylysy saraptamasy men kommýnaldyq jelilerdi tsıfrlandyrýdy kózdeıtin zań jobasy qaralyp jatyr. Indýstrııa jáne Aýyl sharýashylyǵy mınıstrlikteri osy zań jobasynyń sapaly ári jedel talqylanýyn qamtamasyz etýi qajet», - dedi Álıhan Smaıylov.