Kommýnaldyq tarıftiń ósýine ne áser etedi

NUR-SULTAN. QazAqparat – QR Ulttyq ekonomıka mınıstrligi Tabıǵı monopolııalardy retteý komıteti tóraǵasynyń mindetin atqarýshy Ashat Japsarbaı kommýnaldyq qyzmetter tarıfiniń kóterilýine yqpal etetin faktorlardy atady, dep habarlaıdy QazAqparat tilshisi.

«Kommýnaldyq qyzmetter tarıfiniń aqyrǵy baǵasyna kómir, gaz, mazýt, elektr energııasy sııaqty strategııalyq taýarlar baǵasynyń deńgeıi aıtarlyqtaı áser etetinin atap ótken jón. Mysaly, elektrmen jabdyqtaý jáne jylýmen jabdyqtaý qyzmetteri tarıfiniń 50%-ǵa deıingi baǵasyn otynnyń ózindik quny quraıdy. Gazben jabdyqtaýdyń tarıfinde bul kórsetkish 80% -ǵa deıin jetedi», - dedi Ashat Japsarbaı ortalyq kommýnıkatsııalar qyzmetinde ótken brıfıngide.

Onyń aıtýynsha, tarıfterdiń kóterilýine retteletin tarıfterdiń qymbattaýy da áser ete alady.

«Taýarlyq gazǵa kóterme baǵanyń 10%-ǵa deıin ósýi, energııa óndirýshi uıymdar úshin tarıfterdiń orta eseppen 15%-ǵa ósýi, jańartylatyn energııa kózderin paıdalanýǵa qoldaý kórsetý ústemeaqysyn engizý, energııa óndirýshi uıymdardyń tarıfteriniń ortasha eseppen 7,2%-ǵa artýy sııaqty retteletin faktorlar áser etedi. Rettelmeıtin faktorlar retinde tabıǵı monopolııalar sýbektilerine ıesiz jelilerdi berý, jelilerdi senimgerlik basqarýǵa qabyldaý, olardy kútip ustaýǵa arnalǵan shyǵyndar, kómir qunynyń ósýi (9% - ǵa ósti) sııaqty fatorlardy jatqyzýǵa bolady», - dep qorytyndylady Ashat Japsarbaı.