Kommýnaldyq qyzmetter úshin tutynýshylardyń bereshegi 17 mlrd teńgeni qurady
«Búgingi kúni kommýnaldyq qyzmetter úshin tutynýshylardyń bereshegi 17 mlrd teńgeni qurady. Osy jyldyń ózinde debıtorlyq bereshek 3,4 mlrd teńgege artty, 5 aımaqta ósim baıqalady. Ol: Nur-Sultan, Almaty, Shymkent qalalary, Mańǵystaý jáne Qyzylorda oblystary. Bul monopolısterdiń sapaly jáne ýaqytyly qyzmet kórsetýine áser etedi», - dedi ol.
Jalpy onyń aıtýynsha, jylý berý maýsymyna daıyndyq bekitilgen josparǵa sáıkes júrgizilip jatyr jáne turaqty baqylaýda.
«Aldaǵy jylý berý maýsymyna ýaqytyly daıyndalý maqsatynda ákimdikter: osy jyldyń 1 qazanyna deıin barlyq nysandardy daıyndaýdy tolyǵymen aıaqtaýy, barlyq avtonomdy jylý kózderin normatıvtik otyn qorymen qamtamasyz etýi; kommýnaldyq qyzmetter úshin debıtorlyq bereshekti azaıtýy jáne aǵymdaǵy bereshektiń ósýine jol bermeý boıynsha jumysty jandandyrýy jáne sharalar qabyldaýy; halyqtyń arasynda áleýmettik shıelenisti boldyrmaý maqsatynda óńirlerde kómir jetkizýshilermen belsendi ózara is-qımyl jasaýy; turaqty negizde kommýnaldyq-turmystyq muqtajdyqtar úshin jáne halyqqa kómir jetkizý boıynsha monıtorıng júrgizýi qajet», - dedi Bebit Atamqulov.