Kommýnaldyq qyzmet salasy kúrdeli jaǵdaıǵa tap boldy – Ulttyq ekonomıka mınıstrligi

<p>ASTANA. KAZINFORM &ndash; QR Ulttyq ekonomıka birinshi vıtse-mınıstri Tımýr Jaqsylyqov kommýnaldyq qyzmetterge tarıftiń ósýine qatysty túsinik berdi.</p>

«Bárimiz kommýnaldyq qyzmetterdiń aqysyn tólep kelemiz. Turǵyndar kommýnaldyq tólemderdiń óskenin baıqady. 20-25 paıyz shamasyndaǵy ósim týraly aıtsaq, bul óz kezeginde ortasha kórsetkish. Sebebi bizde birqatar tarıftiń túri bar - ystyq sýǵa, sýyq sýǵa, jylytýǵa, elektr qýatyna. Bizde birqatar óńir bar, ıaǵnı olardyń keıbirinde tarıf kóbirek ósti, qalǵandarynda eleýli emes deńgeıde», - dedi T. Jaqsylyqov.

Onyń aıtýynsha, qazirgi jaǵdaıda tarıfterdi kóterý mańyzdy boldy.

«Tarıfterdi kóterýge májbúrmiz, biraq kommýnaldyq qyzmet kórsetý júıesi olardy kótermeı jumys isteı almaıdy. Bul salada ınfraqurylym ábden tozǵan. Jóndeý jáne jańartý jumystaryna qarajat qajet, olar tarıften alynady. Qoldanystaǵy tarıf jańartýdy engizýge múmkindik bermedi», - dedi vıtse-mınıstr.