Kommýnaldyq qyzmet baǵasy ózgerdi: 141 myńnan astam almatylyq ótemaqy alady

<p>ALMATY. KAZINFORM &ndash; Almatyda 141 700 adamǵa kommýnaldyq qyzmet aqysyn tóleýge 25 myń teńgeden beriledi. Bul týraly óńirlik kommýnıkatsııalar qyzmetiniń brıfınginde Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi.&nbsp;</p>

Aıtýynsha, 2023 jyldyń shilde aıynan bastap iske asyrylatyn «Tarıfti ınvestıtsııalarǵa aıyrbastaý» baǵdarlamasy aıasynda áleýmettik osal azamattardyń toǵyz sanatyn qamtıtyn ótemaqy algorıtmi engizildi. 

Olarǵa ardagerler, múgedekter, kópbalaly otbasylar, zeınetkerler jáne qoldaýdy qajet etetin basqa sanattar jatady. 

– Qazir áleýmettik tólem mólsheri – 0,8 AEK nemese 3 146 teńge. Tólem alýshylar sany – 141,7 myń adam, kórsetilgen kómektiń jalpy somasy – 5,4 mlrd teńge, - dedi ol.

Baýyrjan Jaýbasov kommýnaldyq ınfraqurylymdy jańǵyrtý qajettiligine jáne tarıfterdiń ósýine qaramastan, qala úshin halyqtyń áleýmettik osal sanattaryn qoldaý basymdyq bolyp qalatynyn atap ótti. 

– Aılyq eseptik kórsetkishtiń jyl saıynǵy 6,5%-ǵa ósýin eskere otyryp, HÁOT-ty qoldaý úshin qoldanystaǵy áleýmettik tólem tarıfterdiń aǵymdaǵy ósýin tolyǵymen jabady jáne qoldanystaǵy erejelerge sáıkes aýdan ákimdikteri kórsetetin bolady, - dep atap ótti spıker.

2025 jyldyń 1 qańtardaǵy jaǵdaı boıynsha Almatyda HÁOT-qa jatatyn 339 849 azamat turady. 

Esterińizge sala keteıik, «Tarıfti ınvestıtsııaǵa aıyrbastaý» baǵdarlamasy aıasynda 2025 jyldyń 1 aqpanynan bastap Almatyda sýmen jabdyqtaý jáne sý burý qyzmetteri boıynsha tarıfterge ózgerister engiziledi. 

Osyǵan deıin Almaty máslıhatynyń depýtattary 2025 jylǵy 1 sáýirge deıin halyqtyń áleýmettik osal sanattaryna kommýnaldyq qyzmetterge tarıfterdiń kóterilýine ótemaqy tóleýdi 0,8 AEK mólsherinde uzartý týraly sheshimdi biraýyzdan qoldaǵan edi.