Komıtet ókili baılarǵa salynatyn arnaıy salyq týraly suraqqa jaýap berdi

NUR-SULTAN. QazAqparat – Qańtar tragedııasynan keıin aýqattylar men qarapaıym addarǵa salyqty saralap salý máselesi qajet dep oılamaısyzdar ma? Ortalyq kommýnıkatsııalar qyzmetinde ótken brıfıngide Memlekettik kirister komıteti tóraǵasynyń orynbasary Qaırat Mııatovqa osyndaı suraq qoıyldy, dep habarlaıdy QazAqparat tilshisi.

«Bizde jalpyǵa birdeı múlik deklaratsııasy kezeń-kezeńmen engizilip jatyr. ıAǵnı, salyq salý úrdisi birtindep zańdy tulǵalardyń tabysynan jeke tulǵalardyń tabysyna qaraı oıysady. Óıtkeni zańdy tulǵalardyń túpki benefıtsarlary, túpki ıeleri baıyp jatyr. Solardyń tabysyna salyq salynýy kerek. Jalpyǵa birdeı deklaratsııalaý engizilip bitkennen keıin ashyqqa shyqqan tabystardyń bárine salyq salyna bastaıdy. Sol kezde ǵana saralanǵan salyq týraly oılanýǵa bolady», - dedi komıtet ókili.

Onyń paıymynsha, saralanǵan salyq salý úshin áýeli ondaı salyqa tóleýge qabilettilerdiń tizimi belgilenýi kerek.

«Búginde biz baılyq salyǵyna qandaı múlik jatqyzylýy kerek ekenin naqty anyqtaǵan joqpyz. Deklaratsııada kórinis tapqansha onyń bilý múmkin emes. Bul máselege biz múlikter týraly málimettiń bárin alǵannan keıin, óte salmaqty túrde kelýimiz kerek.

Jalpyǵa birdeı deklaratsııalaýdy 2025 jyly aıaqtaý josparlanǵan. Sonda keıin salyq salynatyn bazany taldaýǵa kirisemiz. Saralanǵan salyq salý tásilderi týralysol kezde oılanýǵa bolady», - dedi Qaırat Mııatov.