Komıtet birneshe áýe reıstiń bir táýlikke deıin keshigý sebebin túsindirdi

NUR-SULTAN. QazAqparat – Azamattyq avıatsııa komıteti elimizdegi ushaq reısteriniń keshiktirilý sebebin túsindirdi, dep habarlaıdy QazAqparat.

«Aǵymdaǵy jyldyń 18 maýsymynda «Eır Astana» áýekompanııasynyń Boıng-767 úlgisindegi áýe kemesinde tehnıkalyq aqaýlyq anyqtaldy. Bul óz kezeginde osy áýe kemesinde josparlanǵan áýe kompanııalarynyń reısteriniń ýaqtyly oryndalýyna áser etti. Osyǵan baılanysty, áýekompanııa kelesi reısterde áýe kemesin aýystyrýǵa májbúr boldy. 18-19 maýsymynda Almaty – Antalıa baǵyty boıynsha 2 reıs 24 saǵat 56 mınýtqa jáne 3 saǵat 23 mınýtqa keshiktirildi. «Eır Astana» áýekompanııasynyń 2022 jylǵy 18 maýsymdaǵy Almaty – Antalıa baǵyty boıynsha KS 915 reısi keste boıynsha jergilikti ýaqyt boıynsha saǵat 09:40-ta ushýǵa josparlanǵan bolatyn. Alaıda, reıs tehnıkalyq sebeppen keshiktirildi. Reıs Antalııaǵa aǵymdaǵy jylǵy 19 maýsymda saǵat 10:36-da ushty. Sondaı - aq aǵymdaǵy jylǵy 19 maýsymdaǵy Almaty-Antalıa baǵyty boıynsha KS 915 reısi keste boıynsha jergilikti ýaqyt boıynsha saǵat 09:40-ta josparlanǵan. Alaıda, tehnıkalyq sebep boıynsha syıymdylyǵy az áýe kemesi Boıng-767-den Eırbas-321-ge aýystyryldy. Bort jergilikti ýaqyt boıynsha saǵat 13:03-te jolǵa shyqty. Osy reısten jolaýshylardyń bir bóligi Nur-Sultan arqyly Antalııaǵa jóneltildi, al bir bóligin aǵymdaǵy jylǵy 20 maýsymdaǵy Almaty-Antalıa KS 915 reısimen jóneltý josparlanyp otyr. Budan basqa, «Eır Astana» áýekompanııasynyń Almaty – Antalıa baǵyty boıynsha KS 915 reısi aǵymdaǵy jylǵy 20 maýsymdaǵy áýe kemesiniń Seýl – Almaty reısinen kútý sebebinen saǵat 15:40-qa deıin keshiktiriledi. Keshiktirý 6 saǵatty quraıdy»,- delingen komıtet habarlamasynda.

Keshiktirilgen reısterdiń barlyq jolaýshylaryna QR áýe keńistigin paıdalaný jáne avıatsııa qyzmeti týraly zańnyń 86-babynda kózdelgen qyzmetter kórsetildi.