Komıssııa Oıyl aýdanynda sý tasqyny kezinde keltirilgen zalaldy baǵalaýǵa kiristi
Qazirgi kezde kóktemgi sý tasqyny kezinde keltirilgen zalaldy baǵalaý jónindegi komıssııa Oıyl aýdanynyń Qaratal aýylyndaǵy úıler men aýla aýmaqtaryn tekserip jatyr.
«Aldyn ala málimetter boıynsha, eldimekende 5 úı men 25 aýla sý astynda qalǵan», - dep jazdy vedomstvodan.
Esterińizge sala keteıik, óńir basshylyǵy Qobda aýdany Qobda aýylynda jáne Oıyl aýdany Qaratal aýylynda sý tasqyny saldarynan zardap shekken otbasylarǵa qajetti kómek kórsetý boıynsha barlyq sharalardy qabyldaýda.
Oblys aýmaǵynda sý tasqynyna qarsy is-sharalar jalǵasýda: 14-19 naýryz aralyǵynda 475 036 tekshe metr erigen qar sýy soryldy, 29 333 dana qap tóseldi, uzyndyǵy 3600 m jaǵalaýdy nyǵaıtý jumystary júrgizildi, 14 637 tekshe metr ınertti materıal ákelindi, uzyndyǵy 325 metr ýaqytsha bóget salyndy, 593 550 myń tekshe metr qar shyǵaryldy.