Kómirsýtekter boıynsha jer qoınaýyn paıdalaný quqyǵyn beretin kezekti aýktsıon aıaqtaldy

NUR-SULTAN. QazAqparat - Búgin, 22 shildede, Qazaqstanda kómirsýtekter boıynsha jer qoınaýyn paıdalaný quqyǵyn berýge arnalǵan kezekti elektrondyq aýktsıon ótti, - dep habarlaıdy QazAqparat Energetıka mınıstrliginiń baspasóz qyzmetine silteme jasap.

Aýktsıon 17 jer qoınaýy ýchaskesi boıynsha ótti, onyń qorytyndysy boıynsha 16 jer qoınaýy ýchaskesi boıynsha aýktsıon jeńimpazdary anyqtaldy, aýktsıon ótkiziletin kúni tirkelgen qatysýshylardyń bolmaýyna baılanysty 1 jer qoınaýy ýchaskesi boıynsha aýktsıon ótkizilmedi.

«16 ýchaske boıynsha qol qoıý bonýstarynyń bastapqy mólsheriniń somasy shamamen 2,3 mlrd teńgeni qurady. Aýktsıon qorytyndysy boıynsha usynylǵan qol qoıý bonýsynyń jalpy somasy 21 mlrd teńgeden asty», - dep jazdy vedomstvodan.

«Jer qoınaýy jáne jer qoınaýyn paıdalaný týraly» Kodekstiń 100-babynyń 3-tarmaǵyna sáıkes aýktsıon jeńimpazy aýktsıon qorytyndylary jarııalanǵan kúninen bastap jıyrma jumys kúni ishinde:

1) qol qoıý bonýsyn tóleıdi;

2) quzyretti organǵa qol qoıylatyn bonýstyń tólengenin rastaýdy jáne óz tarapynan qol qoıylǵan quzyretti organ bekitetin kómirsýtekterdi barlaýǵa jáne óndirýge nemese óndirýge arnalǵan úlgilik kelisimshartqa sáıkes ázirlengen kómirsýtekterdi barlaýǵa jáne óndirýge nemese óndirýge arnalǵan kelisimshartty jiberedi.

Kómirsýtekter boıynsha jer qoınaýyn paıdalaný quqyǵyn alýǵa arnalǵan elektrondyq aýktsıonnyń qorytyndysy mynaý siltemede .