Kómir jetkizýdegi negizgi problema júk vagondarynyń tapshylyǵynan týyndaýda
«Qazirgi ýaqytta Aqmola jáne Soltústik Qazaqstan oblystary ákimdikteriniń málimetteri boıynsha, temirjol vagondarynyń jetispeýshiliginen kómirdi jetkizýde problemalary bar. Atap aıtqanda, kómir óndirýshi kompanııalardyń tehnıkalyq múmkindikteri ishki suranysty qamtamasyz etýge jáne kómirdiń edáýir kólemin eksporttaýǵa tolyǵymen jetedi»,-delingen vedomstvo aqparatynda.
Aǵymdaǵy jyldyń qarasha aıynyń sońyndaǵy «Qazaqstan temir joly» UK» AQ málimetteri boıynsha temir jol kóligimen Astanaǵa 1 504 236 tonna jetkizilýi tıis edi. Alaıda 768 830 tonna ǵana qamtamasyz jetkizildi. Osy oraıda Aqmola oblysyna atalǵan merzimge 3 444 584 tonna tıesili bolǵanymen, 2 744 041 tonna tasymaldandy, al Soltústik Qazaqstan oblysyna 2 227 657 tonnany jetkizý josparǵa engizilse de, 1 474 593 tonnaǵa ǵana qamtamasyz etý múmkin boldy.
«2016 jylǵy 2 jeltoqsandaǵy jaǵdaı boıynsha, elektr stansalarynda kómir qory 3,2 mln. tonna kóleminde jáne 121 myń tonna mazýty bar. Bul kor normatıvtik paıdalaný qorynyń kólemine sáıkes. QR Energetıka mınıstrliginiń Atomdyq jáne energetıkalyq qadaǵalaý men baqylaý komıteti óńirlerdiń ákimdikterimen, energetıkalyq kásiporyn basshylarymen bıylǵy jylý maýsymynyń otyn qoryn qurý máselelerin qaraý boıynsha salalyq selektorlyq keńes ótkizýde.
Sondaı-aq, qajettiligine qaraı elektr stantsııalardy otynmen qamtamasyz etý máseleleri boıynsha keńester uıymdastyrylýda. 2016 jyldyń 10 aıynda jedel málimetter boıynsha kómir óndirýshi kompanııalar 76,8 mln. tonna kómir óndirdi. (2015 jyldyń sáıkes kezeńine 96,2 %)»,-dep atap ótilgen vedomstvo málimetinde.