Komıde temirjol apatynan eki jolaýshy qaza boldy

<p>ASTANA. KAZINFORM &ndash; Komıde jolaýshylar poıyzy apatqa ushyrap, oqıǵa ornynan eki adamnyń denesi tabyldy.</p>

Jolaýshylar poıyzynyń relsten shyǵyp ketýine baılanysty 40 adam zardap shekken, olardyń 7-ýiniń jaǵdaıy aýyr, dep habarlaıdy Kazinform agenttiginiń menshikti tilshisi.

Komıdegi №511 jolaýshylar poıyzy apatynyń saldarymen jumys júrgizilip jatyr, erekshe tapsyrma túskenshe tótenshe jaǵdaı rejımi engizildi.

Komı eliniń basshysy Vladımır Ýıbanyń habarlaýynsha, oqıǵa ornyna baratyn kólik jolynyń joqtyǵy qutqarý jumystaryn qıyndatyp jiberdi. Osyǵan baılanysty bılik ókilderi Tótenshe jaǵdaılar mınıstrliginiń arnaıy vagonyn uıymdastyryp, ol apat bolǵan jerge birinshi bolyp jetti.

Oǵan qosa jolaýshylardy evakýatsııalaý úshin sanavıatsııa ushaǵy jumyldyryldy.

Sonymen qatar zardap shekken 10 adam aýrýhanaǵa jetkizildi. Taǵy bir jolaýshy izdestirilip jatyr.

Vagondardyń relsten shyǵyp ketýiniń aldyn ala sebebi jańbyrmen baılanysty bolyp otyr. Beısenbi kúni Soltústik temir jol bóligi ishinara qalpyna keltirildi.

Tótenshe jaǵdaıǵa baılanysty Tergeý komıtetiniń Komı boıynsha basqarmasy is qozǵady (temirjol kóligin paıdalaný jáne qaýipsizdik erejesin buzý).

Osyǵan deıin Komı memleketinde Vorkýta qalasynan Novorossıısk baǵytymen ketip bara jatqan №511 jolaýshylar poıyzynyń 14 vagonynyń 9-y relsten shyǵyp ketkeni habarlandy. Poıyzda 215 adam bolǵan.