Kómek suraǵan aqtóbelikke senbegen TJD qyzmetkeri jazasyn bostandyqta óteıdi

<p>AQTÓBE. KAZINFORM &mdash; Aqtóbe oblystyq soty &laquo;óltirip jatyr&raquo; dep kómek suraǵan áıelge senbegen TJD qyzmetkeriniń isin apellıatsııalyq satyda qarady. Qońyraý qabyldaǵan dıspetcher jazasyn endi bostandyqta óteıdi.</p>

Aqtóbe oblystyq soty № 2 Aqtóbe qalalyq sotynyń úkimin ózgertti. 

— Aqtóbe oblysy Aqtóbe qalalyq № 2 sotynyń 2024 jylǵy 17 qyrkúıektegi úkimi ózgertilsin. Ádil Qalıdolla Qylmystyq kodeksiniń 371-babynyń 2-bóligimen oǵan memlekettik qyzmette jáne quqyq qorǵaý organdarynda laýazymdardy atqarý quqyǵynan úsh jylǵa aıyra otyryp, 2 jyl bas bostandyǵyn shekteý jazasy taǵaıyndalsyn. Qazaqstan Respýblıkasy QK-niń 44-babyna sáıkes Á.E.Qalıdollaǵa taǵaıyndalǵan jazanyń barlyq merzimine probatsııalyq baqylaý belgilensin. Oǵan probatsııa qyzmetine habarlamaı turaqty turǵylyqty jerinen ketpeý, basqa mekenge shyqpaý, jumystan bos ýaqytynda turǵylyqty mekenjaıynan ketpeý, jumysyn jáne oqýyn aýystyrmaý, ishimdik iship, oıyn- saýyq quratyn jerlerge (meıramhana, dámhana, býkmekerlik keńselerge, túngi jáne kompıýterlik klýbtarǵa) barmaý mindetterin oryndaý júktelsin. Á.Qalıdolla jazany óteýdiń búkil merzimi ishinde jyl saıyn 100 saǵattan májbúrli eńbekke tartylsyn, — dep jazylǵan sot kabınetindegi qaýlyda.

Aıta keteıik, úkimniń ózge bóligi ózgerissiz qaldy. Sonymen birge taraptar shaǵym túsirse is kassatsııalyq tártippen qaıta qaralýy múmkin.

Eske salsaq, Aqtóbe oblystyq TJD Daǵdarys jaǵdaılary basqarmasy jedel kezekshisiniń kómekshisi tún ishinde «meni óltirip jatyr» degen áıeldiń sózine mán bermeı, eskerýsiz qaldyrǵany úshin sottaldy. Ol 2 jylǵa bas bostandyǵynan aıyryldy.