Qoljetimdi medıtsınalyq kómektiń sapasy artpaı otyr – Aqmaral Álnazarova

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova medıtsınalyq qyzmet kórsetý salasyndaǵy birneshe problemany kóterdi.</p>

«Densaýlyq saqtaý salasyn qarjylandyrýdyń birneshe ese ósýine qaramastan, medıtsınalyq kómektiń sapasy men qoljetimdiliktiń artýy baıqalmaıdy. Medıtsınalyq qyzmetterdiń sapasyzdyǵyna, ony uıymdastyrýdaǵy kemshilikterge, etıka men deontologııanyń buzylýyna shaǵymdar men ótinishter sany artyp otyr. Shaǵymdardyń kóbi Almaty oblysy, Jetisý jáne Abaı oblysynda baıqaldy», - dedi Aqmaral Álnazarova vedomstvonyń keńeıtilgen alqa otyrysynda.

Odan ári mınıstr MÁMS (mindetti áleýmettik medıtsınalyq saqtandyrý) júıesiniń qyzmetine toqtaldy.

Onyń málimdeýinshe, ótken jyly atalǵan qorǵa bólingen qarjy 2,6 trln teńgege artqanymen, qoljetimdi medıtsınalyq kómektiń sapasy artpaı otyr.

«Joǵaryda atalǵan problemalardy sheshý úshin medıtsınalyq kómek kórsetý júıesin jańǵyrtý, resýrs únemdeýge jáne azamattardyń qajettilikterin qanaǵattandyrýǵa baǵyttalǵan qarjy qarajatyn paıdalanýdyń ashyqtyǵyn qamtamasyz etý kerek. Sonymen qatar medıtsınalyq kómektiń tıimdiligin qamtamasyz etý jóninde keshendi shara qabyldaý qajet», - dep atap ótti mınıstr.