«Qoljetimdi turǵyn úıge qol jetti» - respýblıkalyq basylymdarǵa sholý

ASTANA. 14 aqpan. QazAqparat  - Qazaq aqparat agenttigi respýblıkalyq basylymdarda 14 aqpan, seısenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymy búgingi sanynda keshe elimizdiń Qarjy mınıstrligi Kedendik baqylaý ko­mı­teti­niń alqa otyrysy ótkendigin habarlaıdy. Alqada keden salasynda qu­qyq buzýshylyqtar men qylmys­tardyń aldyn alý, anyqtaý jáne jolyn kesý jónindegi tıimdi sharalardy ázirleý boıyn­sha máseleler de talqylandy. Ótken jyly keden organdary 507 qylmystyq jáne 10 128 ákim­shilik is qozǵaǵan, olar boı­yn­sha 10 mlrd. teńge shyǵyn qaı­ta­ryldy. Qylmystyq ister boı­ynsha alynǵan taýardyń jáne kontrabandalyq valıýtanyń so­ma­sy 1,2 mlrd. teńgeni qurasa, esirtki kontrabandasynyń 84 dereginiń joly kesildi. Zańsyz aınalymnan 276 kg. ártúrli esirt­ki zattary, sonyń ishinde 49 kg. geroın alyndy. Alqa májilisinde kóterilgen máselelerdi  «Egemen Qazaqstan» basylymynyń búgingi sanyndaǵy «Kedende kemshilik kemıdi» atty maqaladan oqısyzdar.

 «Egemen Qazaqstan» basylymy sondaı-aq  «Qoljetimdi turǵyn úıge qol jetti» atty maqala basty. Basylymnyń jazýynsha, Elbasy   bıylǵy Jol­daýynda qoljetimdi turǵyn úı baǵdar­lamasynyń júzege asyry­lýy­na erekshe kóńil bóldi. Úkimet bul baǵytta ótken jyldyń naýryz aıynda elimizdegi turǵyn úı qurylysynyń 2011-2014 jyl­darǵa arnalǵan baǵ­dar­lamasyn bekitti. Al «Qazaq­stannyń turǵyn úı qury­lys jınaq banki» AQ atalmysh baǵdarlamanyń negizgi oryndaý­shysy bolyp tabylady. Baǵdarlamany júzege asyrý maqsatynda respýblıkalyq bıýd­jetten jergilikti atqarý­shy organdarǵa 80,84 mlrd. teńge qarjy bólý jos­par­landy. Esep-qısap boıynsha qurylys kólemi 800 myń shar­shy metrdi nemese 13 myńnan asa páterdi quraıdy. Búginde qurylys jumystary qolǵa aly­nyp jatqan turǵyn úı­lerdiń taza árlengen 1 sharshy metri Almaty qalasynda - 142,5 myń teńge, Astana, Aq­taý, Atyraý, Óskemen qala­larynda - 112, 5 myń teńge jáne basqa oblys ortalyqtarynda 90 myń teńge mólsherinde belgilenipti.

***

«Aıqyn» basylymynyń jazýynsha, kóktem  qyr astynda. Dıqandar jer óńdeý joryǵyn bastaıdy. Qazaqstannyń bazarlaryna Ózbekstan, Qyrǵyzstan, Pákistan sııaqty elderden kókónis úzdiksiz kelip jatyr. «Qazaqstanǵa 5 Frantsııa syıyp ketedi dep qalpaǵymyzdy aspanǵa atyp maqtanǵanda aldymyzǵa jan salmaımyz. Al sol jerdi qalaı óńdep, qalaı paıdalanyp otyrmyz? Qańtar aıynda Túrkııada, Antalııa aımaǵynda boldyq. Bos jer joq. Bárinde qaptaǵan jylyjaı. Jylyjaı salynbaǵan aýdan joq esebi. Jyldyń tórt mezgilinde sol jylyjaı turaqty ónim berip tur. Sonyń arqasynda Túrkııa tipti pisteniń bir túıirin de syrttan satyp almaıdy. Qazaqstanda jylyjaı sharýashylyǵyn damytý týraly Elbasy 1992 jyldan beri aıtyp keledi. Birqatar jobalar jasalyp, jumys istegen jylyjaılar joq emes, bar. Biraq jappaı damyp jatqan joq. Ár óńirde jaqsy jumys istep turǵan bir jylyjaı bolsa, oǵan da qanaǵat der edik. Ókinishke qaraı, bul tarapta aýyz toltyryp aıtar jetistik shamaly»,-dep jazady basylym. Bul másele jóninde egjeı-tegjeıli bilgińiz kelse, «Aıqynnyń» búgingi sanyndaǵy «Jylyjaısyz jer jatyr...» atty maqalany qarańyz.

 Sondaı-aq atalmysh basylym búgingi sanynda «Qyzylshadan qadir qashty» atty maqala basyp, kókeıkesti másele qozǵaıdy. Basylymnyń jazýynsha, zamanynda Keńes Odaǵyn myńdaǵan tonna aq qantpen qamtamasyz etip, myńdaǵan gektar alqapqa qant qyzylshasyn ósirgen, osy daqyldyń arqasynda ondaǵan Eńbek Erlerin shyǵarǵan Jetisý jerinde sońǵy jyldary tátti túbirdiń taǵdyry tálkekke túsip, jyldar boıy qant qyzylshasynyń arqasynda nápaqa taýyp kelgen sharýalar úırengen kásipterinen qol úze bastady. Tátti túbir ósirýden basqalarǵa ónege kórsetip, rekordtyq túsimge qol jetkizgen sharýashylyqtardyń sharýasy keri ketip, jyl saıyn kóktemde kimge senerlerin bilmeı, tátti túbirdiń kólemin kemitip almaý úshin ýádeni úıip-tógetin atqarýshy bılik pen «kúzde ónim alǵanda barlyǵyn jarylqaımyz» deıtin qaıta óńdeýshilerdiń aıtqandaryn isteýge májbúr bolady. Bul másele jóninde «Aıqyn» basylymynyń búgingi sanynan oqyńyzdar.

***

Qazaqstan áýe jolynyń ońalar túri kórinbeıdi.  Eýropa memleketteri ushaqtarymyzdyń eskiliginen elderine ushýǵa tyıym salǵan kezdi de bastan keshirdik. Sóıtsek, bizdiń eldiń ushaqtary ǵana emes, sol ushaqtar qonatyn «uıasy» da uıatty halde eken. Ásirese, aımaqtardaǵy ahýal adam shoshyrlyq. Strategııalyq mańyzdy qalalardyń biri -Qyzyljardaǵy «halyqaralyq» degen dardaı aty bar áýejaı apatty jaǵdaıda. Ushaqtar qonatyn jolaq jibi túzý jóndeý kórmegeli 38 jyl bolypty. Bul másele «Alash aınasy» basylymynyń búgingi sanynda «Áýejaı emes, áýrejaı bolyp tur» atty taqyryppen basyldy.

 Osy basylymnyń jazýynsha, álemde jyl saıyn 5 jasqa deıingi 2 mıllıonǵa jýyq bala ókpe qabynýynan kóz jumady eken. Sondaı-aq álemde balalar arasynda ólim sebebiniń 20 paıyzyn osy aýrý quraıdy. Al Qazaqstandaǵy balalar arasyndaǵy ólimniń 18 paıyzy osy ókpe qabynýynan bolatyn kórinedi. Endi balalar arasyndaǵy bul qaýipti aýrýdyń aldyn alý úshin elimizde ne jasalyp jatyr? Bul týraly «Alash aınasy» basylymynyń búgingi sanyndaǵy «Balalar pnevmonııasy alańdatady» atty maqaladan qarańyz.

***

«Kazahstanskaıa pravda» basylymynyń jazýynsha, Almatyda jyldaǵy dástúr boıynsha eki respýblıkalyq konkýrstyń qorytyndysy shyǵaryldy. Olar Seıdahmet Berdiqulov atyndaǵy 2011 jyldyń úzdik sportshysy men 2011 jyldyń úzdik sport jýrnalısi. Al úzdik sportshylar júrgen jerde úzdik bapkerlerdiń de aımaqtardyń sport salasynda  aty shyqqan aıtýly azamattary da, bolashaq chempıondar da júretini belgili. Osylardyń barlyǵynyń esimderi Almatyda ótken konkýrstyń jeńimpazdaryn marapattaý resiminde belgili boldy. Konkýrsta kimderdiń úzdik shyqqany «Kazahstankaıa pravda» basylymynyń búgingi sanyndaǵy «Nasha sportıvnaıa gordost» atty maqaladan oqısyzdar.