Qoljetimdi baspana-2020»: qazaqstandyqtar úshin qoljetimdi me?
Áńgime barysy «Qoljetimdi baspana-2020»: qazaqstandyqtar úshin qoljetimdi me?» degen taqyrypta órilmek, dep habarlaıdy «Samuryq-Qazyna» Ulttyq ál-aýqat qory» AQ-nyń Qoǵammen baılanys departamenti.
Klýb otyrysynda saıasatkerler, memlekettik apparat ókilderi, bıznesmender, pýblıtsıster bas qosyp, ádettegideı elimizdegi eń mańyzdy da ózekti máselelerin talqyǵa salady.
Arasynda múgedekter, jetim balalar, kópbalaly otbasylar, Uly Otan soǵysynyń ardagerleri men basqa da áleýmettik jaǵynan az qorǵalǵan top ókilderi bar baspana kezeginde turǵan azamattardy baspanamen qamtamasyz etý qalaı júzege asady? Memlekettik tapsyrys úshin úı salatyndar qalaı tańdalady? Turǵyn úı qurylysynyń sapasyna halyqtyq baqylaý júrgizile me? Búgingi kúni turǵyn úı saıasatynyń ishinde qaısysy ótimdi? Kezektiń jyljýy qalaı qadaǵalanady? Kóptegen qazaqstandyq otbasylar úshin asa mańyzdy osy jáne ózge de saýaldardy klýb otyrysyna shaqyrylǵan sarapshy mamandar talqyǵa salady, deıdi uıymdastyrýshylar.
Aıta ketý kerek, «Qoljetimdi baspana-2020» baǵdarlamasy Qazaqstan Respýblıkasynyń Prezıdenti N.Á.Nazarbaevtyń 2012 jylǵy 27 qańtardaǵy «Áleýmettik-ekonomıkalyq modernızatsııa - Qazaqstan damýynyń negizgi baǵyty» atty Qazaqstan halqyna Joldaýynda berilgen tapsyrmalardy júzege asyrý maqsatynda qabyldanǵan.
Baǵdarlamaǵa sáıkes «Samuryq-Qazyna» Jyljymaıtyn múlik qory» AQ 2020 jyldyń sońyna deıin keminde 3,5 mln. sharshy metr turǵyn úıdi paıdalanýǵa bermek. 1 sharshy metrdiń bastapqy quny aımaqtarda 144 myń teńge bolsa, Astana, Almaty, Atyraý, Aqtaý qalalary men osy qalalardyń aınalasynda 180 myń teńge bolmaq.