«Qoljetimdi baspana-2020»: elordalyq HQKO jarty kún ishinde 590 jas otbasynan qujat qabyldady

ASTANA. QazAqparat - Jas otbasylardan «Qoljetimdi baspana-2020» baǵdarlamasyna qatysý úshin tıisti qujattar Astana qalasynyń Almaty, Saryarqa, Esil aýdandarynyń halyqqa qyzmet kórsetý ortalyqtarynda qabyldanýda jáne 2014 jylǵy 2-14 maýsym aralyǵynda júrgiziledi. Bul týraly QR Baılanys jáne aqparat agenttiginiń baspasóz qyzmetinen habarlady.

QR Baılanys jáne aqparat agenttiginiń Elektrondyq qyzmetterdi jáne HQKO damytý departamentiniń dırektory Abylaıhan Ospanovtyń aıtýynsha, ««Qoljetimdi baspana-2020» baǵdarlamasynyń alǵashqy qujat qabyldaý kúninde qujat tapsyrýǵa nıet bildirýshiler sany óte kóp boldy. Osyǵan oraı, biz qosymsha qujat qabyldaý oryndaryn (stol) uıymdastyryp, qosymsha qyzmetkerlerdi osy iske jumyldyrdyq.

«Qajetti qujattardyń keıbirin, mysaly mekenjaı anyqtamasyn, jyljymaıtyn múliktiń bary nemese joǵy týraly anyqtamany baǵdarlamaǵa qatysýshylar óz úılerinen, ıaǵnı «elektrondyq úkimet» portalynan ala alady. Ol úshin «elektrondyq úkimet» portalyna kirip, ótinim berip, óz ótinimińizdi elektrondyq tsıfrlyq qoltańbamen kýálandyrý qajet. Óńdelgen qujatty basyp shyǵaryp, qajetti qujattar tizimine qosa alasyz», - dep atap ótti Elektrondyq qyzmetterdi jáne HQKO damytý departamentiniń dırektory Abylaıhan Ospanov.

«Mekenjaı anyqtamasynda baǵdarlamaǵa qatysýshy týraly naqty aqparat kórsetilmegen jaǵdaıda, Kóshi-qon polıtsııasynan anyqtama qajet bolady. Árıne, bul anyqtamany qujat tapsyrý barysynda sol HQKO alýǵa bolady.

Budan basqa, óziniń jeke kýáligi jáne óz otbasy músheleriniń jeke kýálikteriniń notarıaldy túrde kýálandyrylǵan kóshirmesi, neke kýáligi nemese nekeniń buzylǵany týraly qujat, jubaıy qaıtys bolǵan jaǵdaıda, qaıtys bolǵanyn rastaıtyn qujat, balalardyń týý týraly kýálikteri (notarıaldy kýálandyrylǵan kóshirmesi), nemese balalardyń joqtyǵy týraly anyqtama qajet.

Baǵdarlama qatysýshysynyń otbasynda múgedek nemese QR Úkimetiniń 2011 jylǵy 8 qarashadaǵy № 1309 qaýlysymen bekitilgen tizbede kórsetilgen keıbir sozylmaly aýrýlardyń aýyr túrimen aýyratyn adam bolǵan jaǵdaıda, dárigerlik keńes komısııasynyń arnaıy anyqtamasy qajet. Erli-zaıyptylardyń biri jetim nemese 18 jasqa tolmaı ata-ana qamqorlyǵynan aıyrylǵan bolsa, qosymsha ata-anasynyń qaıtys bolǵany týraly, qamqorlyqqa alynýy týraly, balalar úıinde tárbıelengeni týraly qosymsha anyqtama qajet.

Baspana berý protsedýrasynyń ashyq ári ádil ótýin qamtamasyz etý maqsatynda, baǵdarlamaǵa qatysýshylardyń tizimi, olardyń jınaǵan balldary (upaı sany) Astana qalasynyń ákimdiginiń - astana.kz jáne Turǵyn úı basqarmasynyń - uzh.astana.kz resmı saıtyna jarııalanady. Turǵyn úı komıssııasynyń oń sheshimin alǵan azamattardyń tizimi BAQ jarııalanady. Naqty aqparatty http://www.uzh.astana.kz/ru/node/42050 saıtynan bile alasyzdar», - dep jazylǵan habarlamada.