«Qoljetimdi baspana-2020» baǵdarlamasyna 5424 ótinish qabyldandy
Jas otbasylardy turǵyn úımen qamtamasyz etý «Qoljetimdi baspana-2020» baǵdarlamasyn júzege asyrýdyń mańyzdy baǵyttarynyń biri bolyp tabylady. Maýsymnyń 2-14 aralyǵynda Astana qalasynyń HQKO-larynda «Qoljetimdi baspana-2020» baǵdarlamasy boıynsha qujattardy resmı qabyldaý ótti.
«Qoljetimdi baspana-2020» baǵdarlamasynda baspanaly bolýdyń birneshe negizgi baǵyttary qaralǵan. Olardyń biri «Qazaqstannyń turǵyn úı qurylys jınaq banki» AQ jelisi arqyly jas otbasylarǵa baspana berý bolyp tabylady.
Astana qalasynyń ákimdigi 2014 jyly jas otbasylar úshin 672 páterdi paıdalanýǵa berýdi josparlap qoıǵan, olardyń ishinde: bir bólmelileri - 134, eki bólmelileri - 380, úsh bqólmelileri - 158.
Eske sala keteıik, atalǵan baǵyt boıynsha ótinish berý úshin balalary bar, nekede kem degende eki jyl turǵan jáne erli-zaıyptylardyń ekeýiniń de jastary 29-ǵa tolmaǵan bolýy kerek. Sonymen birge, jasy 29-ǵa tolmaǵan tolyq emes otbasyda balany jalǵyz tárbıeleıtinderge, sondaı-aq, Astanada kem degende eki jyl turǵan ajyrasqandarǵa da ótinish berýlerine bolady. Azamattardyń qolaılylyǵy úshin Astananyń halyqqa qyzmet kórsetý ortalyqtarynda qujattardy qabyldaý uıymdastyryldy.