«Qoljetimdi baspana-2020» baǵdarlamasy aıasynda elordada 272 páterlik TK qurylysy bastaldy
Bul týraly astana.kz saıtyna qalalyq Qurylys basqarmasynan habarlady.
«Qazirgi ýaqytta jalpy aýdany 11,9 myń sharshy metr 272 páterlik «Brýsılovskıı, Imanov jáne Jubanov kósheleriniń qıylysyndaǵy turǵyn úı keshenin salý» nysany boıynsha qurylys-montajdaý jumystary bastaldy. Nysannyń qurylysy 2015 jyly aıaqtalady», - delingen habarlamada.
Sonymen qatar, búginde 2014 jyly salynatyn 4 kóppáterli turǵyn úı kesheniniń jobalyq-smetalyq qujattamasy túzetilip jatyr. Atap aıtqanda, Astana qalasy Saraıshyq kóshesiniń ońtústiginde Jumabaev kóshesiniń shyǵysynda ornalasqan kóp páterli turǵyn úı kesheni (lot №12), Astana qalasy Saraıshyq kóshesiniń ońtústiginde Jumabaev kóshesiniń shyǵysynda ornalasqan kóp páterli turǵyn úı kesheni (lot №13), Astana qalasy Saraıshyq kóshesiniń ońtústiginde Jumabaev kóshesiniń shyǵysynda ornalasqan kóp páterli turǵyn úı kesheni (lot №14), Astana qalasy Saraıshyq kóshesiniń ońtústiginde Jumabaev kóshesiniń shyǵysynda ornalasqan kóp páterli turǵyn úı kesheni (lot №15).
Budan basqa, «Qoljetimdi baspana - 2020» baǵdarlamasy aıasynda jalpy aýdany 62,9 myń sharshy metrlik 1 156 páter salynyp jatyr. Olardy 2014 jyly aıaqtaý kózdelgen. Sonyń ishinde, Saýran jáne №24 kósheniń qıylysyndaǵy jalpy aýdany 10,9 myń sharshy metr kóp páterli turǵyn úı kesheni (paıdalanýǵa berý merzimi - 2014 jyl, shilde), jalpy aýdany 9,7 myń sharshy metr 198 páterlik Seıfýllın jáne Beısekova kósheleriniń qıylysyndaǵy kóp páterli turǵyn úı kesheni (paıdalanýǵa berý merzimi - 2014 jyl, shilde), Aınakól kóshesiniń boıyndaǵy Jumabaev pen Qordaı kósheleriniń arasyndaǵy jalpy aýdany 14 myń sharshy metr 243 páterlik turǵyn úı kesheni (paıdalanýǵa berý merzimi - 2014 jyl, shilde), Aınakól kóshesiniń boıyndaǵy Jumabaev pen Qordaı kósheleriniń arasyndaǵy jalpy aýdany 14 myń sharshy metr 243 páterlik turǵyn úı kesheni (lot №2,) (paıdalanýǵa berý merzimi - 2014 jyl, sáýir), Aınakól kóshesiniń boıyndaǵy Jumabaev pen Qordaı kósheleriniń arasyndaǵy jalpy aýdany 14,3 myń sharshy metr 230 páterlik turǵyn úı kesheni (lot №3) (paıdalanýǵa berý merzimi - 2014 jyl, shilde).