Qazaqstan Reseıden XVII ǵasyrda jazylǵan biregeı parsy qoljazbasyn aldy

<p>ASTANA. KAZINFORM &ndash; &laquo;Arhıv-2025&raquo; baǵdarlamasy aıasynda Qazaqstannyń Ulttyq qoljazbalar jáne sırek kitaptar ortalyǵy Reseıden tabylǵan tarıhı qujattyń kóshirmesin jaryqqa shyǵardy, dep habarlaıdy Kazinform QR Mádenıet jáne aqparat mınıstrliginiń baspasóz qyzmetine silteme jasap.</p>

Ulttyq ortalyqtyń mamandary 2022 jyly Máskeýge jasaǵan ǵylymı-zertteý sapary kezinde Qazaqstan tarıhyna qatysty derekteri bar XVII ǵasyrdyń parsy tilindegi «Tarıh» qoljazbasyn zerttegen edi. 

Foto: QR Mádenıet jáne aqparat mınıstrligi

Kitap Muhammed Haıdar Dýlattyń «Tarıh-ı Rashıdı» kitabynyń jalǵasy retinde usynylǵan jáne Qazaq handyǵynyń tarıhyn zertteýde úlken mańyzǵa ıe. Kitapta Qazaq handyǵy, qazaqtardyń Shyǵys Túrkistandaǵy moǵol bıleýshilerimen qarym-qatynasy týraly qyzyqty málimetter berilgen.

Shah Mahmýd ıbn Mırza Fazyl Chýras (shamamen 1694 jyly qaıtys bolǵan) — Moǵolstan tarıhy boıynsha birneshe eńbektiń avtory. Ol óz shyǵarmalaryn 30 jyl jazyp, shejire bilgiri retinde tanylǵan. Shah Mahmýdtyń «Tarıh» atty eńbegi Shyǵys Túrkistan halyqtarynyń tarıhy ǵana emes, Qyrǵyzstan, Qazaqstan, Orta Azııa úshin mańyzdy derek bolyp sanalady. 

Foto: QR Mádenıet jáne aqparat mınıstrligi

Kitap alǵash ret 1913 jyly Tashkentte Baqı-Janbaıdyń jeke qoljazba qorynan tabylǵan.

Foto: QR Mádenıet jáne aqparat mınıstrligi