Kolýmbııalyqtar 20 mlrd dollarlyq qazynasymen sýǵa batyp ketken kemeni jaǵalaýǵa shyǵarmaqshy

<p>Kolýmbııada quny 20 mlrd dollar bolatyn baılyǵymen sý túbine ketken kemeni jaǵalaýǵa shyǵarýǵa talpynyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://nypost.com/2023/11/05/news/20-billion-san-jose-shipwreck-to-be-exhumed-in-battle-over-sunken-treasure/" target="_blank" rel="noopener">New York Post </a>basylymyna silteme jasap.</p>

Ispanııalyq San-Hose galeony quny 20 mlrd dollar bolatyn altyn, kúmis jáne asyl tastardy tasymaldaǵan.

Endi úsh ǵasyr boıyna 20 mlrd dollarlyq baılyqpen sý túbinde jatqan kemeniń kimge tıesili ekenin tabý zań salasynyń mamandaryna júktelgeli tur.

El prezıdenti Gýstavo Petro San-Hose galeonyn Karıb teńizinen múmkindiginshe jyldam shyǵarýdy tapsyryp otyr, dep habarlady eldiń Mádenıet mınıstri Bloomberg agenttigine.

Ol ıspan flotynyń 62 zeńbiregi bar 3 machtaly galeonyn óziniń prezıdenttik merzimi aıaqtalǵasha, ıaǵnı 2026 jylǵa deıin jaǵalaýǵa shyǵarýdy maqsat etip otyr. Ol úshin prezıdent memlekettiń jáne jeke kapıtaldy biriktiretin kásiporyn quryp, isti sońyna deıin jetkizýdi kózdep otyr.

«Bul prezıdent ákimshiliginiń basym maqsattarynyń biri»,-dedi ol.

Quramyda 600 ekıpajy bar San-Hose galeony 1708 jyly 8 ııýlde brıtanııalyqtarmen ıspan murasy úshin soǵys kezinde batyp ketken. Uzaq jyldar boıy teńiz túbindegi qazyna ańyz bolyp kelgen. Óıtkeni onyń naqty qaı jerde jatqany belgisiz edi.

Sý túbinde jatqan keme 2015 jyly tabylyp, sýretke túsirilgen.