Kolýmbııada ushaq apatynan 10 adam qaza tapty

<p>ASTANA. KAZINFORM &ndash; Kolýmbııanyń soltústik-batysynda jeńil ushaq apatqa ushyrap, kem degende 10 adam qaza tapty. Bul týraly juma kúni Antmokııa departamenti táýekelderdi basqarý bıýrosynyń dırektory Karlos Rıos Pýerta málimdedi, dep habarlaıdy Kazinform <a href="https://russian.news.cn/20250111/d00c0e4c7c1e4837ac455f528c8bbc42/c.html" target="_blank" rel="noopener">Sınhýa</a> aqparat agenttigine silteme jasap.&nbsp;</p>

Sársenbi kúni joǵalyp ketken Pacifica Travel kompanııasynyń ushaǵy Kolýmbııanyń soltústik-batysyndaǵy Antokııa departamentiniń aýyldyq jerinde apatqa ushyrady. Onyń bortynda ekıpajdyń eki múshesi men segiz jolaýshy bolǵan.

- Ókinishke oraı, tiri qalǵandar joq. Oqıǵa ornynda 37 qyzmetker jumys istep jatyr jáne biz adamdardyń denelerin alyp shyǵý jáne sot polıtsııasymen úlestirýdi qamtıtyn ekinshi kezeńdi jedeldetip jatyrmyz, - dedi K.Rıos Pýerta.

Onyń aıtýynsha, qulaǵan ushaqtan adam denelerin alyp shyǵý protsesi aýa raıynyń qolaısyzdyǵyna baılanysty tikushaqtardy paıdalaný múmkin bolmaýy qıyndatyp otyr.

- Biz bul protsesti barynsha jyldam jáne tıimdi etý úshin jumys istep jatyrmyz, - dep qosty sheneýnik.

Kolýmbııanyń Kólik mınıstrligi men Azamattyq avıatsııa basqarmasy qaza tapqandardyń otbasylaryna kóńil aıtty. Apattyń sebepterin anyqtaý jumystary bastaldy.

Osyǵan deıin ońtústikkoreıalyq Boeing-tyń jazý qurylǵylary apatqa 4 mınýt qalǵanda toqtap qalǵanyn jazdyq.