Kolýmbııada urlanǵan quny myńdaǵan dollar turatyn álemge áıgili roman tabyldy
23:25, 09 Mamyr 2015
ASTANA. QazAqparat - Kolýmbııa polıtsııasy Gabrıel Garsııa Markestiń «Júz jyldyq jalǵyzdyq» romanynyń alǵashqy basylymy Bogotada urlanyp, bir aptadan keıin tabylǵanyn málimdedi, dep jazady VVS.
Kitap ony 1967 jyly satyp alyp, keıinnen Markestiń qoltańbasyn qoıǵyzyp alǵan kollektsıoner Alvaro Kastıloǵa tıesili bolatyn. Polıtsııanyń aqparatyna súıensek, kitap Bogotadaǵy kitap bazarlarynyń birinen tabylǵan. Ony sırek kezdesetin zattardy satýmen aınalysatyn jergilikti saýdagerler qoldy etti degen boljam bar. Markestiń belgili romanynyń birinshi basylymynyń quny birneshe ondaǵan myń dollarǵa baǵalanady.