Kolýmbııada BUU qyzmetkerlerine shabýyl jasaldy

ASTANA. QazAqparat - Jarylǵysh qurylǵyny zııansyz etýge talpynǵan Kolýmbııadaǵy BUU-ynyń ókildigi sarapshylar tobyna shabýyl jasalǵandyǵy týraly habarlamany rastady.

Halyqaralyq uıym saıtynyń habarlaýynsha, top quramynda BUU-nyń eki baqylaýshysy, Kolýmbııa revolıýtsııalyq qarýly kúshteriniń burynǵy jaýyngerleri jáne polıtsııa qyzmetkerleri bolǵan.

Jarylǵysh qurylǵylardy zalalsyzdandyrý byltyr Kolýmbııa úkimeti men revolıýtsııalyq qarýly kúshter arasynda jasalǵan beıbit kelisim aıasynda júzege asyrylýda. Aıta keteıik, ol jartyǵasyrlyq teketiresterge núkte qoıdy.

Oqys oqıǵa ótken demalys kúnderi eldiń ońtústiginde boldy. Shabýyl saldarynan top músheleriniń biri jaraqat aldy. Basqa zardap shegýshiler joq.

Kolýmbııadaǵy BUU ókildigi málimdemesinde aýmaqty soǵystan qalǵan jarylý qaýpi bar zattardan tazartýǵa qatysýshy uıym qyzmetkerleriniń qaýipsizdigin qamtamasyz etýge Kolýmbııa úkimetiniń kúsh salýy joǵary baǵalanǵan.

Sońǵy málimetterge súıensek, oqıǵa jaýapkershiligin eshkim óz moınyna almaǵan.