Kolýmbııa jaǵalaýynda 20 mıgrant mingen qaıyq batyp ketti — ishinde Qazaqstan azamattary bar

<p>ASTANA. KAZINFORM — Seısenbide Karıb teńiziniń jaǵalaýynda qaıyq sýǵa batty, bortynda 20 mıgrant bolǵan. Onyń ishinde qazaqstandyqtar da bar, ekeýi — kámelet jasyna tolmaǵandar. Kem degende bir adam qaza taýyp, tórteýi joǵalyp ketti, dep habarlaıdy amerıkalyq <a href="https://www.barrons.com/news/one-dead-as-boat-with-18-migrants-goes-down-off-colombia-2effdf0b" target="_blank" rel="noopener">Barron’s</a> amerıkalyq basylymy.  </p>

Áskerı-teńiz kúshteriniń málimetinshe, 15 adam qutqaryldy, onyń altaýy — kámeletke tolmaǵandar.

Qaıyq San-Andres pen Provıdensııa kýrort araldarynyń janynda, Kolýmbııa men Nıkaragýa shekarasyna jaqyn jerde batyp ketti. 

Áskerılerdiń basylymǵa habarlaýynsha, áskerı-teńiz kúshteri men áýe kúshteri izdeý-qutqarý operatsııasyn júrgizip jatyr. 

«Qutqarylǵan eresekter — Kolýmbııa, Ekvador, Iran, Nıkaragýa, Qazaqstan jáne Venesýeladan» dep qosty olar. 

Aman qalǵandar arasynda kámeletke tolmaǵan Qazaqstannan eki azamat bar, úsheýi Venesýeladan.

Kolýmbııanyń málimdeýinshe, mıgranttar Ortalyq Amerıka arqyly soltústikke jáne aqyr sońy Meksıka men AQSh shekarasyna bet alǵanda Kolýmbııa men Panama arasyndaǵy Daren sańylaýyndaǵy qaýipti ótkelden aýlaq júrý úshin San-Andres pen Nıkaragýa arasyndaǵy jasyryn joldy jıi paıdalanyp júr. 

Kazinform túsinik alý úshin QR SІM-ne júgindi.

«Bizge ondaı resmı aqparat túsken joq» dep jaýap qatty Qazaqstannyń syrtqy saıası vedomstvosy.