Kólsaı kólderine kelip qonǵan tikushaq týrısterdi shańǵa bóktirdi

<p>ASTANA. KAZINFORM &mdash; Kútpegen jerden Kólsaı kólderi tóńiregine kelip qonǵan tikushaqtyń vıdeosyn <a href="https://www.facebook.com/watch/?v=481823417689910&amp;rdid=GcYcI4DEbEGciOIl" target="_blank" rel="noopener">Facebook</a> paraqshasyna Sabı Baıbýsınov jarııalady.</p>

Avtordyń jazýynsha, ushý apparaty qonam degenshe aınalanyń bári shańǵa kómilip, tamaqtanyp otyrǵan týrısterge usaq tastar shashyrap, tipti bir saýda núktesiniń pavılony zaqymdalǵan.

«Qatty ashýlymyn. Qazir Kólsaıdamyn. Tamaqtanýǵa kelgenimiz sol edi, Qorǵanys mınmıstrliginiń tikushaǵy qonatyn jer tappaǵandaı dúkender men dámhanalar ornalasqan tóńirekke qonýǵa árekettendi. Bul mezgilde týrıster tamaq iship otyrǵan bolatyn. Aınalany shań basyp ketti. Tipti demalýǵa kelgen sheteldik týrısterdiń tóbesine jáı túskendeı boldy. Bet-aýyzdaryna shań qonyp, ábigerge tústi. Óz elimiz týraly osyndaı estelikter syılaǵanymyz ókinishti», - dep jazdy avtor.

Ashýǵa býlyqqan beınejazba avtory QR Qorǵanys mınıstrliginiń baspasóz qyzmetine suraý salǵanyn jazyp, túsinikteme berýin talap etken. Onyń pikirinshe, bul qaýipti jaǵdaı. Transport bolǵandyqtan kópshilik adam demalatyn orynnan tys jerde qoný aılaǵy bolýy tıis.