Kólsaı kólderinde kúshikterin ertken qar barysy fototuzaqqa túsip qaldy

<p>ALMATY. KAZINFORM &mdash; &laquo;Kólsaı kólderi&raquo; ulttyq parkinde úsh eseıgen alanyn ertken urǵashy ilbis fototuzaqqa túsip qaldy. Bul týraly ulttyq parktiń áleýmettik jelidegi paraqshasy jarııalady.&nbsp;</p>

— Qar barysynyń úsh birdeı balasymen fototuzaqtyń nysanyna iligýi - óte sırek qubylys. Bul olar meken etken ortanyń olarǵa qolaıly ekenin ańǵartady. Sulý jyrtqyshtardyń tabıǵat aıasynda qamsyz ómir súrýi — olardyń popýlıatsııasyn saqtaý maqsatynda jasalǵan jumystyń jemisi ekeni sózsiz, - delingen ulttyq park jazbasynda. 

Qar barysy qorǵaýǵa alynǵan ań, dese de onyń popýlıatsııasy brakonerlik pen meken etý aımaǵynyń jyldan-jylǵa qysqarýyna baılanysty áli de osal bolyp qala bermek. Alaıda mundaı kórinister ǵalymdar men ulttyq parkterdiń úılesimdi jumysynyń nátıjesi, bul erekshe jyrtqyshtardy qorǵaýǵa kómektesetinine úmit beredi.

Tabıǵatty birge qoldaıyq!

Eske salsaq, buǵan deıin Katonqaraǵaıda qar barysy fototuzaqqa túsip qalǵan edi.