«Kólsaı kólderi» ulttyq parkinde jańa ınfraqurylym bolady

NUR-SULTAN. QazAqparat - QR Ekologııa, geologııa jáne tabıǵı resýrstar mınıstrligi men Kazakh Tourism ulttyq kompanııasy «Kólsaı kólderi» ulttyq memlekettik tabıǵı parkinde ekotýrızmdi damytpaq, dep habarlaıdy QazAqparat.

«Qaıtalanbas tabıǵat jaýharyna qyzyǵýshylyq jyl saıyn artyp keledi. Biraq parktiń ınfraqurylymy eskirgen, zaman talabyna saı emes. Internet joq. Aldaǵy ýaqytta munda 3 vızıt-ortalyq, kórý alańdary men etno-aýyldar salynady», - delingen habarlamada.

Sonymen qatar, atalǵan park aýmaǵynda 200 jańa jumys orny ashylyp, jatyn oryn qory 500-ge jetedi. Ulttyq parktiń jyldyq tabysy 150 mln teńgege kóbeıedi.

Budan buryn habarlanǵandaı, «Kólsaı kólderi» ulttyq memlekettik tabıǵı parki ıÝNESKO-yń búkilálemdik bıosferalyq rezervattar jelisine qosylýy múmkin.

Osy aıdyń basynda tabıǵı parkti damý tujyrymdasy qoǵam ókilderine tanystyrylǵan bolatyn.

Bul rette týrıstik marshrýttar men soqpaqtardy damytýǵa basty nazar aýdarylady. Kúrdeli qurylys bolmaıdy. Jeńil konstrýktsııalar qoldanylady.