Qolma-qol aqshasyz tólemder kóleńkeli ekonomıkanyń qysqarýyna yqpal etedi – QR QM

NUR-SULTAN. QazAqparat - Internet tehnologııalardyń damýy nátıjesinde tólemderdi tez jáne yńǵaıly júzege asyrýǵa múmkindik beretin bank ónimderi de artyp keledi. Mobıldi nómir boıynsha SMS, QR kod, túrli mobıldi ámııandar jáne t.b. arqyly tólem júrgizige múmkindik bar, dep habarlaıdy QazAqparat QR Qarjy mınıstrliginiń baspasóz qyzmetine silteme jasap.

Іs júzinde qolma-qol aqsha aınalymynyń kóp bóligi qolma-qol aqshasyz ortaǵa kóshti. Sózsiz, qolma-qol aqshasyz tólemder deńgeıiniń ósýi eldegi kóleńkeli ekonomıkanyń qysqarýyna yqpal etedi.

Degenmen, kásipkerlik qyzmette paıdalanylatyn qolma-qol aqshasyz tólemder boıynsha aınalymdar fıskalızatsııalanýǵa jáne kásipkerlerdiń salyq eseptiliginde kórsetilýge tıis.

Memleket tarapynan bıznesti qolaıly damytý úshin barlyq jaǵdaı jasalǵan, shamamen 1,2 mln mıkro jáne shaǵyn bıznes sýbektileri úsh jylǵa tabysynan salyq tóleýden bosatylǵan jáne tekserýge úsh jyldyq moratorıı jarııalanǵan.

Sonymen qatar, moratorııdiń qoldanylý kezeńinde bıznes tarapynan barlyq qoldanystaǵy belgilengen normalar men erejelerdi erikti túrde oryndaý jáne bosatylǵan qarajatty bıznesti damytýǵa salyq tóleýden jiberý kútildi.

Alaıda, búgingi kúni kassalyq tártiptiń tómen deńgeıi baıqalady, atap aıtqanda taýarlardy, jumystar men qyzmetterdi satý kezinde chekter berilmeıdi. Aǵymdaǵy jyldyń 5 aıy ishinde memlekettik kirister organdaryna el turǵyndarynan chekterdi bermeý týraly 12 myńnan astam shaǵym tústi.

Sonymen qatar, paıda bolǵan bank ónimderi kásipkerlik qyzmette naqty aınalymdardy jasyrýǵa múmkindik beretin qural retinde jappaı qoldanyla bastady. Bóten adamdarǵa banktik aýdarymdar jasalǵan nemese bıznes sýbektisi retinde tirkelmegen adamdar qoldanǵan, bul kóleńkeli aınalymdardyń damýyna yqpal etti.

Osyǵan baılanysty, Memlekettik kirister komıteti QR Ulttyq bankimen, Qazaqstan qarjygerler qaýymdastyǵymen jáne ekinshi deńgeıdegi banktermen talqylanatyn osyndaı tólemder men aýdarymdardy bólý jáne fıskalızatsııalaý boıynsha birqatar sheshimder ázirledi.

Sondaı-aq, ázirlengen sheshimderde kásipkerler taýarlar, jumystar men qyzmetterde esep aıyrysýy kezinde kásipkerlik qyzmet úshin ashylǵan shottardy paıdalanýy kózdeledi.

Usynylyp otyrǵan mehanızmder aýdarmalardy jeke maqsatta paıdalanatyn jeke tulǵalardyń aýdarmalaryna áser etpeıtinin atap ótken jón.

Memlekettik kirister komıteti bıznesti ashyq jáne ashyq jumys isteýge, belgilengen normalar men erejelerdi ýaqtyly jáne derbes oryndaýǵa, naqty aınalymdy kórsetýge jáne baqylaý-kassa mashınalaryn qoldanýǵa jáne árbir satý kezinde chekter berýge shaqyrady.

Al tutynýshylar óz azamattyq pozıtsııasyn belsendi túrde bildirýi tıis.